اتىراۋ پوليتسەيلەرى جىل باسىنان بەرى زاڭسىز بالىق اۋلاعان براكونەرلەردەن 1 توننا 712 كەلى بالىق تاركىلەدى.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جايىق وزەنى مەن كاسپي تەڭىزىندە رەيدتىك ءىس-شارالاردى وتكىزىپ كەلەدى. ماقسات – بالىق قورىنا زاڭسىز قول سۇعۋشىلاردى انىقتاۋ.
«پوليتسيا قىزمەتكەرلەرى رەيدتىك ءىس-شارالار كەزىندە براكونەرلەردەن 1 توننا 712 كەلى قارا بالىق تاۋىپ, تاركىلەدى. زاڭسىز بالىق اۋلاۋشىلاردان 20 موتوتسيكل مەن 2 اۆتوكولىك الىندى. قازىر قۇقىق بۇزۋشىلارعا قاتىستى سوتقا دەيىنگى تەرگەۋ جۇرگىزىلىپ جاتىر» دەپ ءمالىم ەتتى دەپارتامەنتتىڭ ءباسپاسوز قىزمەتىنەن.
سونداي-اق, «Chevrolet NIVA» قىزمەتتىك اۆتوكولىگى توقتاتىلىپ, زاڭسىز اۋلانعان 300 كەلى سازان تاركىلەندى. كولىك ارنايى ايىپ تۇراعىنا قويىلدى.