مەملەكەت باسشىسى حIV قىسقى پاراليمپيادا ويىندارىنداعى (يتاليا) جوعارى سپورتتىق جەتىستىكتەرى ءۇشىن ەربول حاميتوۆتى III دارەجەلى «بارىس» وردەنىمەن ماراپاتتادى, دەپ حابارلايدى Egemen.kz.
بۇگىن پرەزيدەنت اقوردادا حIV قىسقى پاراليمپيادا ويىندارىنداعى (يتاليا) جوعارى سپورتتىق جەتىستىكتەرى ءۇشىن ەربول حاميتوۆتى III دارەجەلى «بارىس» وردەنىمەن ماراپاتتادى.
سونداي-اق تۋريزم جانە سپورت مينيسترلىگىنە قاراستى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ جاتتىقتىرۋشىلارى ۆاسيلي كولوميەتس پەن انتون جدانوۆيچكە «پاراسات» وردەنى, سولتۇستىك قازاقستان وبلىسىنداعى ء«ۇمىت» مۇمكىندىكتەرى شەكتەۋلى تۇلعالارعا ارنالعان سپورت كلۋبىنىڭ جاتتىقتىرۋشىسى اسلان توقباەۆقا «قۇرمەت» وردەنى تابىستالدى.
مەملەكەت باسشىسى پاراليمپيادا ويىندارىنىڭ چەمپيونى ەربول حاميتوۆتى ماراپاتتادى
ايتا كەتەيىك, ەربول حاميتوۆ پارا بياتلون جارىسىندا جەڭىس تۇعىرىنىڭ ەڭ بيىك ساتىسىنا كوتەرىلدى. ول 4,5 شاقىرىمدىق ءىز كەسۋ جارىسىندا (وتىرىپ جارىسۋ ساناتى) ۇزدىك ناتيجە كورسەتىپ, چەمپيون اتاندى.
جارىستا قارا ۇزگەن جەڭىمپاز ۋكراينالىق تاراس رادتى, قىتايلىق تسزىسيۋي ءليۋدى شاڭ قاپتىردى.
سونداي-اق ول وسى پاراليمپيادا ويىندارىندا پارا شاڭعى جارىسىنان قولا مەدالدى جەڭىپ العان ەدى. وسىلايشا قازاقستاندىق سپورتشى ءبىر جارىستىڭ وزىندە ەكى جۇلدەنى قورجىنعا سالدى.