رەسپۋبليكالىق «تازا قازاقستان» ەكولوگيالىق اكتسياسى شەڭبەرىندە پوليتسەيلەر قورشاعان ورتانى قورعاۋعا باعىتتالعان رەيدتىك ءىس-شارالاردى كۇشەيتىپ, ونداعان مىڭ قۇقىق بۇزۋشىلىقتى انىقتادى, دەپ حابارلايدى Egemen.kz.
ىشكى ىستەر مينيسترلىگىنىڭ مالىمەتىنە سايكەس, اكتسيا باستالعالى بەرى 86 مىڭنان استام قۇقىق بۇزۋشىلىق تىركەلگەن.
«تازا قازاقستان»: استانادا 83 مىڭنان استام زاڭبۇزۋشىلىق تىركەلدى
انىقتالعان زاڭسىز ارەكەتتەردىڭ باسىم بولىگى – قوقىستى رۇقسات ەتىلمەگەن جەرلەرگە تاستاۋ, اعىندى سۋلاردى زاڭسىز توگۋ جانە قورشاعان ورتانى لاستاۋعا قاتىستى وزگە دە فاكتىلەر.
اكتسيا بارىسىندا 485 جۇك كولىگى مەن 239 اسسەنيزاتور جۇرگىزۋشىسى اكىمشىلىك جاۋاپكەرشىلىككە تارتىلدى. رەيدتىك ءىس-شارا كەزىندە استاناداعى كۇلتەگىن كوشەسىنىڭ بويىندا زيل اۆتوكولىگى جۇرگىزۋشىسىنىڭ قالالىق اۋماقتا سۇيىقتىق توگۋى تىركەلدى. اتالعان قۇقىق بۇزۋشىلىق بويىنشا جۇرگىزۋشىگە اكىمشىلىك قۇقىق بۇزۋشىلىق تۋرالى كودەكستىڭ 505-بابى 3-بولىمىنە سايكەس اكىمشىلىك حاتتاما تولتىرىلدى.
بەكتەنوۆ: «تازا قازاقستان» باستاماسى قازاقستاندىقتار تاراپىنان قولداۋ تاپتى
قازىرگى ۋاقىتتا استانا قالاسى اكىمدىگى مەن «109 بىرىڭعاي انىقتاما قىزمەتى» بىرلەسكەن رەيدتەرتەردى جالعاستىرىپ جاتىر. سونىمەن قاتار, قۇقىق بۇزۋشىلىقتاردىڭ الدىن الۋ ماقساتىندا تۇرعىندارمەن تابيعاتتى قورعاۋ زاڭناماسىن ساقتاۋ قاجەتتىلىگى تۋرالى ءتۇسىندىرۋ جۇمىستارى تۇراقتى جۇرگىزىلىپ كەلەدى.
«تازا قازاقستان» اكتسياسىنىڭ باستى ماقساتى – ەلدەگى ەكولوگيالىق احۋالدى جاقسارتۋ, قورشاعان ورتانىڭ لاستانۋىنا جول بەرمەۋ جانە ازاماتتاردىڭ تابيعات تازالىعىنا دەگەن جاۋاپكەرشىلىگىن ارتتىرۋ.
جاڭا كونستيتۋتسيا قاعيداتىنا ساي «تازا قازاقستان»