بەرىك ءۋالي: پرەزيدەنت جۇكتەگەن تاپسىرمالار «ايتىلدى» جانە «ورىندالدى»

مەملەكەت باسشىسى قاسىم-جومارت توقاەۆ وتكەن جىلى قازاقستان حالقىنا جولداۋىندا: «حالىققا ەلەكتروندى سەرۆيستەردى پايدالانۋعا قولايلى جاعداي جاساپ, مەملەكەتتىك قىزەت كورسەتۋ ىسىندە دە, جەكە سەكتوردا دا بيومەتريانى قولدانۋدىڭ ناقتى شارالارىن قابىلداعان ءجون», دەپ ناقتى تاپسىرما بەرگەن بولاتىن.

بۇگىندە وسى تاپسىرمانى جۇزەگە اسىرۋ اياسىندا موبيلدىك ازاماتتار بازاسىندا تىركەلگەن نومىرگە بىرجولعى حابارلاما تۇرىندە قۇپيا ءسوزدى جولداۋ ارقىلى قىزمەتتەرگەقول قويۋ تەتىگى ىسكە اسىرىلدى.

قازىرگى ۋاقىتتا بىرجولعى حابارلاما تۇرىندەگى قۇپيا ءسوز ارقىلى قول قويىپ, 120-دان استام مەملەكەتتىك قىزمەت ءتۇرىن جانە سەرۆيس الۋعا بولادى. Egov پورتالىندا QR-كود ارقىلى مەملەكەتتىك قىزمەتتەرگە قول قويۋ قىزمەتى ىسكە قوسىلدى.

ادامنىڭ بەت-الپەتىن بيومەتريالىق سايكەستەندىرۋ ارقىلى قاشىقتان ەتسق الۋدىڭ قاناتقاقتى جوباسى ازىرلەنىپ, ىسكە قوسىلدى. قىزمەتتىڭ وسى ءتۇرى ىسكە قوسىلعالى بەرى جەكە جانە زاڭدى تۇلعالار ءۇشىن 2,3 ميلليوننان استام ەتسق شىعارىلدى.

سونىمەن قاتار مەملەكەت باسشىسى جەكە كۋالىكتەر, ديپلومدار مەن جۇرگىزۋشى كۋالىكتەرىنىڭ ەلەكتروندى نۇقاسىن ەنگىزۋ جانە مەملەكەتتىك ورگانداردىڭ جۇمىسىن تسيفرلاندىرۋ پروتسەستەرىن قامتاماسىز ەتۋ كەرەكتىگىن تاپسىرعان بولاتىن اتالعان تاپسىرما اياسىندا قازىرگى ۋاقىتتا eGov mobile ءموبيلدى قوسىمشاسىندا كەلەسى قۇجاتتاردىڭ تسيفرلىق نۇسقاسى قولجەتىمدى.

- جەكە كۋالىك,

- جۇرگىزۋشى كۋالىگى,

 - تۋ تۋرالى كۋالىك,

 - نەكە قيۋ كۋالىگى,

- اتى-ءجونىن, اكەسىنىڭ اتىن وزگەرتۋ تۋرالى كۋالىك,

 - نەكە بۇزۋ تۋرالى كۋالىك,

 - ەلەكتروندى تەحنيكالىق قۇجات,

 - پتر تالداماسىنىڭ ناتيجەلەرى, ستۋدەنت بيلەتى,

 - ءبىلىم العانى تۋرالى ديپلوم.

تسيفرلى قۇجاتتار قاعاز تۇرىندەگى تۇپنۇسقانىڭ ەلەكتروندىق نۇسقاسى جانە QR-كود تۇرىندە جاسالادى.