نۇر-سۇلتان قالاسىنىڭ باس مەملەكەتتىك سانيتارلىق دارىگەرى سارحات بەيسەنوۆا ەلوردانىڭ ءبىلىم بەرۋ ۇيىمدارىنداعى كوروناۆيرۋس ستاتيستيكاسىن ايتىپ بەردى, دەپ حابارلايدى Egemen.kz
«2021 جىلدىڭ 22 اقپانىنداعى جاعداي بويىنشا جاڭا وقۋ جىلى باستالعاننان وقۋشىلار اراسىندا كۆي 1017 جاعدايى تىركەلگەن, ونىڭ ىشىندە كەزەكشى سىنىپ وقۋشىلارى اراسىندا 232 نەمەسە 22,8%, قاشىقتان وقىتۋ بويىنشا وقۋشىلار اراسىندا – 785 جاعداي, ياعني 77,2%. 79 مەكتەپ كارانتينگە جابىلدى, قازىرگى ۋاقىتتا 21 مەكتەپتە كارانتين جالعاسۋدا», دەدى س. بەيسەنوۆا نۇر-سۇلتان قالاسىنىڭ اكىمدىگى ۇيىمداستىرعان ونلاين-بريفينگتە.
ستۋدەنتتەر اراسىندا كۆي-ءدىڭ 174 جاعدايى تىركەلدى, كوللەدج ستۋدەنتتەرى اراسىندا – 35, جوو ستۋدەنتتەرى اراسىندا – 139. ونىڭ ىشىندە وففلاين فورماتتا وقيتىندار اراسىندا – 10, 6 جاعداي – جوو ستۋدەنتتەرى اراسىندا جانە 4 جاعداي – ورتا وقۋ ورىندارىنىڭ سۋتدەنتتەرى اراسىندا انىقتالعان.
«مەكتەپكە دەيىنگى بالالار ۇيىمدارىنا باراتىن 94 بالادا كۆي انىقتادى. قازىرگى ۋاقىتتا 907 ءۇي وشاعى بار, 2260 قارىم-قاتىناستا بولعاندار مەديتسينالىق باقىلاۋدا», - دەيدى س. بەيسەنوۆا. ايتا كەتەيىك, نۇر-سۇلتاندا اقپان ايىنىڭ باسىنان بەرى كوروناۆيرۋستىڭ 2192 جاعدايى تىركەلگەن.