بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ, وندا الداعى جالپى وتىرىستىڭ كۇن ءتارتىبى ناقتىلاندى, دەپ حابارلايدى Egemen.kz.
بيۋرو وتىرىسىندا دەپۋتاتتار قاراۋىنا كورنەكى اقپارات ماسەلەلەرىنە قاتىستى زاڭ جوباسى ءبىرىنشى وقىلىمدا ۇسىنىلدى. قۇجات ورفوگرافيا نورمالارىن جانە اۋدارما تەڭتۇپنۇسقالىعىن ساقتاۋ بويىنشا تالاپتاردى بەلگىلەۋ ارقىلى دەرەكتەمەلەر مەن كورنەكى اقپاراتتى ورنالاستىرۋ ماسەلەلەرى تۋرالى زاڭنامانى ودان ءاpi جەتىلدىرۋگە باعىتتالعان.
سونىمەن قاتار الداعى جالپى وتىرىستا ءماجىلىس بىرقاتار راتيفيكاتسيالىق زاڭ جوبالارىن قارايدى. ولار قازاقستان مەن سولتۇستىك ماكەدونيا اراسىنداعى ادامداردى ۇستاپ بەرۋ تۋرالى شارتتى جانە سوتتالعان ادامداردى بەرۋ تۋرالى شارتتاردى راتيفيكاتسيالاۋ تۋرالى زاڭ جوبالارى. بيۋرو وتىرىسىندا دەپۋتاتتار ەكىنشى وقىلىمدا اكىمشىلىك قۇقىق بۇزۋشىلىق تۋرالى كودەكسكە جانە سوت جۇيەسىن جاڭعىرتۋ ماسەلەلەرىنە تۇزەتۋ ەنگىزۋ تۋرالى زاڭ جوبالارىن قارادى.
سونداي-اق الداعى جالپى وتىرىستا ءماجىلىستىڭ كوميتەتتەرى ءبىرشاما زاڭ جوبالارىن جۇمىسقا الادى. اتاپ ايتقاندا, داۋلاردى سوتتان تىس جانە سوتقا دەيىنگى رەتتەۋ ينستيتۋتتارىن دامىتۋ ماسەلەلەرى, ەاەو تۋرالى شارتقا ارمەنيانىڭ قوسىلۋى تۋرالى حاتتامانى راتيفيكاتسيالاۋ, سونداي-اق ەاەو تۋرالى شارتقا قىرعىز رەسپۋبليكاسىنىڭ قوسىلۋىنا بايلانىستى بىرقاتار حالىقارالىق قۇجاتتاردى راتيفيكاتسيالاۋعا قاتىستى زاڭ جوبالارى بار.