بۇگىن جامبىل وبلىسىنىڭ اكىمى بەردىبەك ساپارباەۆ ونلاين-رەجيمدە حالىققا ەسەپ بەرۋ كەزدەسۋىن وتكىزدى.
اكىم بارلىق سالاداعى جەتىستىكتەرگە ايرىقشا توقتالىپ, وتكەن جىلى وبلىس كوروناۆيرۋس ىندەتىنىڭ سالدارىنا قاراماستان ەكونوميكانىڭ نەگىزگى سالالارىندا وسىمگە قول جەتكىزگەنىن اتاپ ءوتتى. ء«بىز بارلىق قيىندىقتاردى بىرگە ەڭسەرىپ كەلەمىز. مەملەكەت باسشىسىنىڭ قولداۋىنىڭ جانە جەرلەستەرىمىزدىڭ قاجىرلى ەڭبەگىنىڭ ارقاسىندا ەكونوميكا 102,2 پايىزعا ءوستى. ونەركاسىپتەگى ءوندىرىس كولەمى 2019 جىلعى دەڭگەيمەن سالىستىرعاندا 3,1 پايىزعا, اۋىل شارۋاشىلىعىنىڭ جالپى ءونىمى 5,1 پايىزعا ارتتى. ال, تۇرعىن ءۇي قۇرىلىسىنىڭ كولەمى 28,2 پايىزعا ءوسىپ, 344,1 ميلليارد تەڭگە ينۆەستيتسيا تارتىلدى», دەدى بەردىبەك ساپارباەۆ.
سونىمەن قاتار, وڭىردەگى ونەركاسىپ كاسىپورىندارىمەن 505 ميلليارد تەڭگەنىڭ ءونىمى وندىرىلگەن. ينفلياتسيا دەڭگەيى 7,3 پايىزدى قۇراعان. اعىمداعى جىلى بۇل كورسەتكىشتى 4-6 پايىز ارالىعىنا تومەندەتۋ ءۇشىن الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ بويىنشا بىرقاتار شارالار قابىلدانۋدا. بۇل مىندەتكە قول جەتكىزۋ ماقساتىندا ناقتى ءىس-قيمىل جوسپارى قۇرىلعان. سونداي-اق, بەردىبەك ساپارباەۆ «القاپتان سورەگە دەيىن» جوباسى اياسىندا جۇمىستاردىڭ كۇشەيەتىنىن, الەۋمەتتىك پاۆيلوندار جەلىسىن كەڭەيتىپ, اۋىلشارۋاشىلىق جارمەڭكەلەرىن وتكىزۋدى جالعاستىراتىنىن جەتكىزدى. وتكەن جىلى جۇمىس ورىندارىن ساقتاۋعا, ءوندىرىس كولەمىن ۇلعايتۋعا جانە جۇمىسشىلار الدىنداعى الەۋمەتتىك مىندەتتەمەلەردى ورىنداۋعا ايرىقشا كوڭىل بولىنگەن. جامبىلدىق 4508 كاسىپورىن باسشىلىعىمەن ءتيىستى مەموراندۋمدارعا قول قويىلىپ, ناتيجەسىندە 41 جەكە كاسىپورىنداعى 19,4 مىڭ جۇمىسشىنىڭ ورتاشا جالاقىسى 26 پايىزعا كوتەرىلگەن. «البەتتە, ءبىز مۇنىمەن توقتاپ قالمايمىز. ءارى قاراي دا ۇيلەسىمدى جۇمىس ىستەپ, جاڭا بەلەستەردى باعىندىراتىن بولامىز», دەدى بەردىبەك ساپارباەۆ.
جامبىل وبلىسى