الماتى قالالىق ءبىلىم باسقارماسى 2021 جىلدىڭ باسىنان بەرى الماتىدا 707 وقۋشى كۆي جۇقتىرعانىن ءمالىم ەتتى, دەپ حابارلايدى Egemen.kz
باسقارما حابارلاعانداي, وففلاين رەجىمدە ءبىلىم بەرىپ جاتقان مەكتەپتەردە كۆي انىقتالعان جاعدايدا سىنىپتار نەمەسە مەكتەپ كارانتينگە ينكۋباتسيالىق مەرزىم بىتكەنشە جابىلادى.
«الماتى قالالىق سانيتارلىق ەپيدەميولوگيالىق باقىلاۋ دەپارتامەنتىنىڭ مالىمەتىنە سايكەس 2021 وقۋ جىلىنىڭ باسىنان باستاپ 707 وقۋشىنىڭ كوروناۆيرۋس جۇقتىرعانى انىقتالدى. ونىڭ ىشىندە 110 وقۋشى وففلاين رەجىمدە ءبىلىم السا, 597 وقۋشى قاشىقتان وقىعان. 80 پايىزىندا وقۋشىلار ۆيرۋستى ۇيىندەگى تۋىسقانداردان جۇقتىرعان», دەدى باسقارمادان.
ءبىلىم باسقارماسى رەسمي جاۋابىندا كورسەتكەندەي, ەپيدەميولوگيالىق احۋالعا بايلانىستى بالالاردىڭ دەنساۋلىعىن ساقتاۋ ماقساتىندا قالادا 205 مەكتەپ قاشىقتان وقىتۋ فورماتىنا كوشكەن بولاتىن.
«كولساي مەن سۇلۋساي ەلدى مەكەندەرىندەگى وقۋشىلار سانى از № 194 جانە 197 مەكتەپتەردە وقىتۋ شتاتتىق رەجىمدە ءجۇرىپ جاتىر. بارلىق مەكتەپتەر سانيتارلىق قۇرالدارمەن قامتىلعان», دەيدى ۆەدومستۆو.
قازىر الماتىدا 153 مەملەكەتتىك مەكتەپتە 1 425 كەزەكشى سىنىپ اشىلعان. وندا 1-5 سىنىپ ارالىعىنداعى 19 528 وقۋشى ءبىلىم الىپ جاتىر. 189 مەملەكەتتىك مەكتەپتە 9-11 سىنىپتارعا ارنالعان 1856 توپتا 23 510 وقۋشى ءبىلىم الىپ جاتىر. الماتىدا 2020-2021 وقۋ جىلىندا 278 مەكتەپتە جالپى 288 مىڭ وقۋشى ءبىلىم الىپ جاتىر.