قازاقستان ەلشىلىگى «قازاقستان عارىش ساپارى» ۇك» اق مەن ليتۆا اەروعارىشتىق كلاستەرى اراسىندا بەينەكونفەرەنتسيا فورماتىندا كەلىسسوزدەر ۇيىمداستىردى, دەپ حابارلايدى Egemen.kz.
NanoAvionics (نانوسپۋتنيكتەردى جاساۋ جانە ۇشىرۋ), Geomatrix (عارىشتىق تۇسىرىلىمدەردى اۆتوماتتاندىرىلعان وڭدەۋ), Black Swan (سپۋتنيكتەردى باعدارلامالىق قامتاماسىز ەتۋ), Eksma Optics (لازەرلىك اسپاپتار), Astrolight (اتموسفەرالىق وپتيكالىق جەلىلەر) سياقتى كومپانيالار جانە ليتۆا سىرتقى ىستەر مينيسترلىگى, ليتۆا اەروعارىش قاۋىمداستىعى, ۆيلنيۋس ۋنيۆەرسيتەتى, كاۋناس تەحنولوگيالىق ۋنيۆەرسيتەتى جانە ليتۆانىڭ ەتنوعارىشتىق مۋزەيى قازاقستانمەن ىنتىماقتاستىق تۋرالى ءوز ويلارىمەن ءبولىستى.
كەلىسسوزدەر بارىسىندا تاراپتار عارىشتىق تەحنولوگيالاردى ازىرلەۋ جانە پايدالانۋ, كوممەرتسيالىق قىزمەتتەردە سەرىكتەسۋ جونىندەگى بىرلەسكەن جوبالار ماسەلەلەرىن زەردەلەۋ, سونداي-اق تاجىريبە الماسۋ جانە جوعارى وقۋ ورىندارى اراسىندا بايلانىستار ورناتۋ تۋرالى ۋاعدالاستىقتارعا قول جەتكىزدى.