وبلىس اكىمى ماحامبەت دوسمۇحامبەتوۆتىڭ ءمالىم ەتۋىنشە, وتكەن جىلى ءوڭىر بالىقشىلارى اۋلاعان ءونىم 11 مىڭ 600 توننا بالىقتى قۇرادى, دەپ حابارلايدى Egemen.kz
اۋلانعان بالىقتىڭ 11 مىڭ تونناسى وڭدەلىپ, ونىڭ 98 پروتسەنتى شەتەل نارىعىنا ەكسپورتقا جىبەرىلىپتى. قازىر بالىق شارۋاشىلىعى سالاسىندا 4 800 ادام جۇمىس ىستەيدى.«وڭىردە بالىق شارۋاشىلىعى سالاسىن دامىتۋ ءۇشىن قر ەكولوگيا, گەولوگيا جانە تابيعي رەسۋرستار مينيسترلىگىنە 8 جوبا ۇسىنىلدى. ونىڭ قاتارىندا توعان شارۋاشىلىعىن دامىتۋعا باعىتتالعان 6 جوبا بار. سونداي-اق, بالىق شاباعىن ءوسىرۋ, بالىق شاباعىن ءوسىرۋ زاۋىتىن كەڭەيتۋ جوبالارىن ىسكە اسىرۋ جوسپارلانىپ وتىر»‚ دەيدى ماحامبەت دوسمۇحامبەتوۆ.