بۇگىنگى تاڭدا ءبىلىم بەرۋ كوپشىلىككە قولجەتىمدى بولىپ, ادامنىڭ مۇمكىندىكتەرى كەڭەيە تۇسكەنىنە قاراماستان, مۇگەدەكتىگى بار ادامدار ءالى دە ساپالى ءبىلىم الۋ جولىندا كەيبىر قيىندىقتارعا تاپ بولادى. ال ناتيجەسىندە جاقسى اقى تولەنەتىن قىزىقتى جۇمىسقا ورنالاسۋ قيىنعا سوعادى. بۇعان كوپتەگەن سەبەپتەر بار, بىراق نەگىزگى فاكتورلاردىڭ ءبىرى فيزيكالىق جانە ۆيرتۋالدى كەدەرگىسىز ورتانىڭ بولماۋى بولىپ قالا بەرەدى, دەپ حابارلايدى Egemen.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي دەرەكتەرى بويىنشا, 2021 جىلدىڭ قاڭتار ايىنا قازاقستاندا ەڭبەككە قابىلەتتى حالىقتىڭ ىشىندە 419 880-ءى مۇگەدەك جان بار. ولاردىڭ تەك 19%-ى (82 872) جۇمىسقا ورنالاسقان جانە تۇراقتى تابىسى بار.
«ەرەكشە تاڭداۋ-شەلەك» كورپوراتيۆتىك قورىنىڭ ماماندارى بۇل پايىزدىق اراقاتىناستى ەرەكشە قاجەتتىلىكتەرى بار ادامدار ءۇشىن ءبىلىم بەرۋ جوبالارىن جۇزەگە اسىرۋ جانە جاڭا كادرلاردى دايىنداۋ ارقىلى ۇلعايتۋعا بولادى دەپ ەسەپتەيدى.
ء«بىزدىڭ بۇل باعىتپەن جۇمىس ىستەپ جاتقانىمىزعا ءبىرىنشى جىل ەمەس جانە مۇگەدەكتىگى بار ادامدار اراسىندا وقۋعا جانە جۇمىس ىستەۋگە نيەت بىلدىرۋشىلەردىڭ ۇلكەن لەگىن كورىپ وتىرمىز. سەبەبى ولار دا دەربەس, قوعامنىڭ تولىققاندى بولىگى», دەيدى «ەرەكشە تاڭداۋ-شەلەك» كق باعدارلامالىق ديرەكتورى زاحيرا بەگاليەۆا.
وتكەن جىلى باس سەرىكتەس – «Samruk-Kazyna Trust» الەۋمەتتىك جوبالاردى دامىتۋ قورىنىڭ قولداۋىمەن «ەرەكشە تانداۋ-شەلەك»كق «Lider Z» كاسىبي ونلاين-مەكتەبى» جوباسى ىسكە قوسىلدى. ول مۇگەدەك ادامداردى IT داعدىلارىنا ۇيرەتۋ جانە ولارعا ودان ءارى ەڭبەك نارىعىن باعىندىرۋعا جاردەمدەسۋ ارقىلى ولاردى قولداۋعا باعىتتالعان. جاقىندا مەكتەپ ءوزىنىڭ العاشقى تۇلەكتەرىن شىعاردى.
اناستاسيا «Lider Z» ونلاين مەكتەبىنە كەلىپ, وزىنە تاعى ءبىر سىننان وتۋگە مۇمكىندىك بەردى. ءدال وسى قادام ونىڭ كاسىپقوي مامان رەتىندە قالىپتاسۋىنا تۇرتكى بولدى.
«2020 جىل مەنىڭ ءومىرىمدى تۇبەگەيلى وزگەرتتى. «Lider Z» ونلاين مەكتەبىنە SMM كۋرستارىنا ستۋدەنتتەردى قابىلداۋعا سىلتەمەنى كورىپ, ويلانباستان ءوتىنىم بەردىم جانە وتپەي قالامىن-اۋ دەگەن ويدان الشاق بولۋعا تىرىستىم. قازىر مەن وقۋدى ءساتتى اياقتاپ قانا قويماي, وسى باعىتتا جەڭىمپاز اتانعانىمدى ماقتان تۇتامىن.
قازىرگى ۋاقىتتا مەن SMM بويىنشا سەرتيفيكاتتالعان مامانمىن, قىزمەت كورسەتەمىن جانە تولىق قارجىلىق تاۋەلسىزدىككە ۇمتىلامىن, بىراق مەنىڭ باستى ماقتانىشىم – مەن اقتاۋ قالاسىنداعى NIS freelancer نازارباەۆ زياتكەرلىك مەكتەبى وقۋشىلارىنىڭ مەكتەپ كلۋبىندا مەنتور بولدىم. مەن «Lider Z» جوباسىندا العان بارلىق داعدىلارىمدى كورسەتە الاتىنىما سەنىمدىمىن», دەدى گەربەەۆا اناستاسيا.