كەزدەسۋ بارىسىندا كومىرسۋتەگى سەكتورىنداعى بىرقاتار جوبانى جۇزەگە اسىرۋ ماسەلەلەرى, قازاقستان مەن Total كونتسەرنى اراسىنداعى ىقپالداستىقتىڭ الداعى پەرسپەكتيۆالارى, سونداي-اق, جاڭا ينۆەستيتسيالار تارتۋ مۇمكىندىكتەرى تالقىلاندى, دەپ حابارلايدى Egemen.kz.
ارنو برەياك قاسىم-جومارت توقاەۆقا كونتسەرننىڭ جاسىل تەحنولوگيالار باعىتىنداعى جۇمىسىن ترانسفورماتسيالاۋ جوسپارى تۋرالى ايتىپ, كاسىپورىننىڭ اتاۋىن TotalEnergies دەپ وزگەرتۋگە نيەتتى ەكەنىن جەتكىزدى.
سونىمەن قاتار فرانتسۋز كاسىپكەرى كونتسەرننىڭ قازاقستانداعى مۇناي-گاز سالاسى بويىنشا, سونىڭ ىشىندە, قاشاعان كەن ورنىنداعى ەكىنشى فازانى ىسكە اسىرۋ اياسىنداعى ءىرى جوبالارعا, سونداي-اق, جاڭارتىلاتىن ەنەرگيا كوزدەرى باعىتىنداعى بىرقاتار جوباعا ينۆەستيتسيا سالۋعا دايىن ەكەنىن ناقتىلادى.
مەملەكەت باسشىسى مۇناي-گاز كونتسەرنىنىڭ دامۋ ستراتەگياسىن وزگەرتۋ جونىندەگى شەشىمىن قۇپتاپ, قازاقستاننىڭ 2060 جىلعا قاراي كومىرتەگى بويىنشا بەيتاراپتىققا قول جەتكىزۋگە بەيىلدى ەكەنىن ايتتى.
سونىمەن قاتار كەزدەسۋدە ارنو برەياك قاسىم-جومارت توقاەۆقا كومپانيانىڭ كاسپي جانە وڭتۇستىك-ەۋروپا ايماعى باعىتىنداعى بولىمشەسىنىڭ جاڭا ۆيتسە-پرەزيدەنتى كريستين حەيليدى تانىستىردى.