تۇركىستان وبلىسىندا كارانتين كەزىندە 200-گە جۋىق ادامنىڭ باسىن قوسىپ, كوكپار ۇيىمداستىرعاندار انىقتالدى.
جەتىساي اپب قىزمەتكەرلەرى كۇندەلىكتى رەيدتىك ءىس-شارالار جۇرگىزۋ بارىسىندا, بەلگىسىز تۇلعالاردىڭ كوكپار ۇيىمداستىرعانى تۋرالى تارالعان بەينەجازبانى نازارعا الدى.
بولعان جايتتى بىردەن تەكسەرۋگە كىرىسكەن ءتارتىپ ساقشىلارى كوكپاردىڭ جەتىساي اۋدانى جامبىل ەلدى مەكەنىندە بولعانىن انىقتادى. ياعني اۋىل تۇرعىنى ەگىستىك القاپتا كارانتين تالاپتارىن بۇزىپ, 200-گە جۋىق ادامنىڭ باسىن قوسىپ, كوكپار ۇيىمداستىرعان. بۇگىندە ءىس-شارانى ۇيىمداستىرۋشىعا قاتىستى قر اقبتك-ءنىڭ 425-بابى بويىنشا قۇجاتتار جيناقتالىپ, سەس-كە جولداندى.
ءوز كەزەگىندە پوليتسەيلەر تۇركىستان وبلىسىنىڭ تۇرعىندارى مەن قوناقتارىن كارانتين رەجيمى مەن سانيتارلىق-ەپيدەميولوگيالىق نورمالاردىڭ تالاپتارىن بۇزباۋ كەرەكتىگىن ەسكە سالادى. بازارلارعا, دۇكەندەرگە جانە ادامدار كوپ جينالاتىن باسقا دا جەرلەرگە بارعاندا, قوعامدىق كولىكتەرگە مىنگەندە مەديتسينالىق بەتپەردە كيىپ, انتيسەپتيك پايدالانۋ جانە الەۋمەتتىك قاشىقتىقتى ساقتاۋ قاجەت.
توي-جيىن, كوكپار نەمەسە باسقا دا ادامداردىڭ ساۋلىعىنا زيان كەلتىرەتىن ءىس-شارالاردى ۇيىمداستىرماۋعا شاقىرادى.