مۇستافانىڭ الەمدىك رەكوردى

سپورتشىلار تىلىندە كلاس­­­­سيكالىق پلانكا ۇستاۋ دەپ اتالاتىن سپورتتىڭ بۇل ءتۇ­رى بويىنشا 16 جاسقا دە­يىنگى جاسوسپىرىمدەر ارا­سىن­­­داعى ەڭ جوعارى الەمدىك كور­سەتكىش بۇعان دەيىن 1 سا­عات 2 سەكۋند بولعان ەكەن. مۇس­تافا Kostanay Plaza ساۋدا ور­تالىعىندا جينالعان كوپ­­­شىلىك كورەرمەننىڭ كوز ال­­دىندا 1 ساعات 2 مينۋت 7 سە­كۋندقا دەيىن قوس شىن­تاق­­­پەن تورت­تاعانداپ تۇرىپ, الەم رەكوردىن 2 مينۋتقا ۇزارت­­تى.

جاس رەكوردشىنىڭ جاتتىقتىرۋشىسى – ءوز اكەسى مارات قايىپ­باەۆ.

– ۇلىم بۇعان دەيىن فۋتبولمەن اينالىستى. نەگىزى بۇ­گىنگى كورسەتكىشتى ۇيدە بىر­نە­شە رەت قايتالاعان. مۇس­تا­فادان باسقا 3 بالام بار, ولار دا وسى سپورت تۇرىمەن اينا­لىسادى. ۇيدە ءبارىمىز بىرگە جاتتىعامىز. ءوزىم كلاس­سيكا­لىق پلانكانى 8 مينۋتقا دەيىن ۇس­تاپ تۇرا الامىن. ۇلىمنىڭ كور­سەتكىشىنە جە­تۋ قيىن, ارينە, – دەدى م.قا­يىپباەۆ.

جاس سپورتشىنىڭ جەتىس­تىگىن كوزبەن كورۋ ءۇشىن قوس­تانايعا قازاقستان رەكوردتار كىتابىنىڭ رەكوردتار تىركەۋ دەپارتامەنتىنىڭ ديرەكتورى با­قىتجان تاستۇلەكوۆ تە كەلگەن.

– قازاقستاندا كۇش رە­كورد­­تارى ءجيى جاڭارادى, اۋەس­­­قوي سپورتشىلار پان­دە­­ميا­عا قاراماستان ءىرى نا­تي­­جە­لەرگە قول جەتكىزىپ, جۇرت­تى قاي­ران قالدىرۋدا. مى­سا­لى, ال­ما­تىلىق رەكوردشى وت­كەن قاڭتار ايىندا عا­نا 26 تون­نالىق ۆاگوندى تىسى­مەن تارتىپ قوزعالتىپ, الەم جۇرت­شى­لى­عىنا باس شاي­قاتتى. قازىر 700 بەتتىك كىتاپتا 5 مىڭ­عا جۋ­­ىق رەكوردشى تىركەلگەن. ەگەر مۇس­تافانىڭ كورسەتكىشىن كۇزگە دەيىن ەشكىم جاڭارتا ال­ماسا, مۇستافانىڭ ەسىمى اۋەس­قوي سپورت ءتۇرى بويىنشا ەڭ جو­عارى الەمدىك كورسەتكىشتى جا­ڭارتقان رەكوردشى رەتىندە قازاقستان رەكوردتار كىتابىنا ەنەدى, – دەدى ب.تاستۇلەكوۆ.

قوستاناي وبلىسى