كوڭىل باۋراعان كوگىلدىر بوياۋلار

«قازاقستاننىڭ 100 جا­­ڭا ەسىمى» قاتارىنا ەنگەن انار ءابجانوۆا – قازاق­ستان سۋ­رەتشىلەر وداعىنىڭ مۇ­شەسى. ونەردى ءومىر دەپ بىلەتىن ول بۇعان دەيىن دە كورەرمەن قا­ۋىمعا ءوزىنىڭ ون­داعان جەكە كورمەسىن ۇسىنىپ ۇلگەر­دى. اقش, چيلي, فرانتسيا, يتا­ليا, رەسەي مەملەكەتتەرىندە وتكەن حالىق­ارا­­لىق بايقاۋ­لار مەن پلەنەرلەردە قول­تاڭ­باسىن قالىپتاستىرىپ, شى­­عار­ماشىلىعىن ۇدايى دامىتىپ كەلەدى. «شابىت» فەس­تي­ۆالىنىڭ لاۋرەاتى.

تۇستەردىڭ ءتىلىن تەرەڭ تۇي­سىنەتىن تۋىندىگەر تابيعات بوياۋ­لارىن كوڭىلگە كوشىرىپ العان دەرسىز. ەستۋ قابىلەتىنەن قاعاجۋ كورسە دە جارىق الەم­نىڭ الۋان ءتۇرلى بوياۋىن وتە نازىك تۇردە سەزىنىپ, سول سە­زىنە بىلگەن دۇنيەسىن كەنەپ بەتىندە شەبەر ايشىقتايتىن انار­دىڭ ارمانى قازاق بەينەلەۋ ونەرىندە ءوز قولتاڭباسىن قالدىرۋ. جاس تالانت تاباندى ەڭبەك پەن كىرشىكسىز كوڭىل عانا ءومىردى جارقىن تۇسكە بويايدى دەپ ەسەپتەيدى.

– شىعارماشىلىق كەشىم «كوك ءتۇستىڭ 50 رەڭى» دەپ جاي­دان-جاي اتال­عان جوق. شىندىعىندا دا مەنىڭ بار­لىق جۇمىستارىما ءتان ورتاق تا نەگىزگى رەڭ – كوك ءتۇس. ونىڭ ۇس­تىنە كوك ءتۇس ءوزىم ءۇشىن ونەردەگى نەگىزگى دە ۇنام­دى ءتۇستىڭ ءبىرى. كورمەگە مايلى جانە اكريلدى بوياۋ­لارمەن سالىنعان 60-تان استام تۋىن­دىم قويىلدى, – دەيدى اۆتور.

انار الماتى قالاسىنىڭ قىسقى كورىنىستەرىنە ارنالعان سۋرەتتەر توپ­تاماسىندا وسى كوك ءتۇستىڭ رەڭ-قاسيەتتەرىن مو­لىنان پايدالانعان. اشىق تا قانىق, تازا كوك ءتۇس ار­قى­لى قىسقى ايازدى, المالى شا­ھاردىڭ اۋا رايىن, اق قار­دان سىرعا تاعىنعان اعاش­تار مەن اق سالدە ورانعان عي­­ماراتتاردى ءدال بەدەرلەگەن. «كەشكى ءسات. دوستىق داڭ­­عىلى», «قىسقى جىلى كۇن. بوگەنباي باتىر كوشەسى» تا­رىزدەس شىعارمالارىندا سۋ­رەتشى ءتۇرلى تۇستەر ارقى­لى الماتىنىڭ اسەم بەي­نەسىن ايشىقتاي كەلە, تالاي ەستەلىكتەر تۇنعان تانىس كوشەلەردى كورەرمەن كو­ڭىلىنە بارىنشا جاقىن ەتىپ كورسەتۋگە كۇش سالادى.

ايتۋلى ونەر جارمەڭكەسىن قالا تۇرعىندارى مەن قو­ناقتارى دوستىق داڭ­عىلىندا ورنالاسقان «الماتى اۋەن­­دەرى» مەكەمەسىنىڭ Almaty Gallery كور­مەسىنەن تەگىن تاماشالاي الادى.

الماتى