جۋىردا Zoom پلاتفورماسىندا ونلاين رەجىمدە وتكەن ءباسپاسوز كونفەرەنتسياسى بارىسىندا «جاڭادان رەتتەۋ» قاعيداتى, ونىڭ ىشىندە بيزنەستى زاڭسىز ارالاسۋدان قورعاۋ شارالارى تالقىلاندى.
تالقىلاۋعا كاسىپكەرلەردىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆ, «اتامەكەن» ۇكپ باسقارما توراعاسىنىڭ كەڭەسشىسى ەربول وستەمىروۆ, «اتامەكەن» ۇكپ باسقارما توراعاسىنىڭ ورىنباسارى, بيزنەس-ومبۋدسمەن اپپاراتىنىڭ باسشىسى شىڭعىس تەمىر, سونداي-اق «نارىقتى مونيتورينگىلەۋ جانە ساراپتاۋ ورتالىعى» جشس ديرەكتورى سەرىكبەك ەلشىبەكوۆ قاتىستى.
«جاڭادان رەتتەۋ» قاعيداتىن ەنگىزۋ مەملەكەتتىك رەتتەۋ پروبلەمالارىن شەشۋدە جۇيەلى ءتاسىلدى كوزدەيدى. كوپتەگەن دامىعان ەلدەر ءتيىمدى بيزنەس-رەتتەۋدى قالىپتاستىرۋ جولىنان ءوتتى, سوندىقتان دا جۇمىستى وسى ەلدەردىڭ تاجىريبەسىنە سۇيەنە وتىرىپ جۇرگىزۋ قاجەت», دەدى قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆ.
سونداي-اق ول ساتىپ الۋ سالاسىنداعى سىبايلاس جەمقورلىق تاۋەكەلدەرىن تومەندەتۋ ءۇشىن «اتامەكەن» ۇكپ-نىڭ «ساتىپ الۋدىڭ بىرىڭعاي تەرەزەسى» پورتالىنىڭ مۇمكىندىكتەرى كەڭىنەن پايدالانىلىپ وتىرعانىن ايتتى.
ەستەرىڭىزگە سالا كەتەيىك, بيىل 22 قاڭتاردا سىبايلاس جەمقورلىققا قارسى ءىس-قيمىل اگەنتتىگى الاڭىندا 2020 جىلدىڭ باسىنان باستاپ وسى پورتال جانىندا ارەكەت ەتىپ وتىرعان «رەگيون گز» مەملەكەتتىك ساتىپ الۋلاردىڭ رەيتينگتىك جۇيەسى تانىستىرىلدى. ونىڭ جۇمىسى بارىسىندا جالپى سوماسى 22,8 ملرد تەڭگەدەن اساتىن نەگىزسىز جوعارى باعالارمەن ساتىپ الۋ انىقتالدى.
ال «اتامەكەن» ۇكپ باسقارما توراعاسىنىڭ كەڭەسشىسى ەربول وستەمىروۆ جاڭا رەتتەۋشىلىك ساياسات ماسەلەلەرى بويىنشا زاڭ جوباسىنىڭ قالاي ازىرلەنىپ جاتقانىنا نازار اۋداردى. ونىڭ ايتۋىنشا, زاڭ جوباسىندا كاسىپكەرلىك كودەكسكە رەتتەۋ ساپاسىنا باعىتتالعان بىرقاتار نورمانى ەنگىزۋ جوسپارلانعان. بۇدان باسقا زاڭ جوباسى اياسىندا سالدارلاردى ءىس جۇزىندە بايقاۋدان وتكىزۋ ماقساتىندا جاڭا رەتتەۋدى ەنگىزۋدىڭ نەمەسە قولدانىستاعىلارىن الىپ تاستاۋدىڭ ەكسپەريمەنتتىك ۋاقىتشا رەجىمىنىڭ قۇقىقتىق مارتەبەسى, سونداي-اق نورماتيۆتىك-قۇقىقتىق اكتىلەر مەن نورماتيۆتىك تەحنيكالىق قۇجاتتاردىڭ دەرەكقورى بولىپ تابىلاتىن كاسىپكەرلىك سالاسىنداعى مىندەتتى تالاپتار ءتىزىلىمىنىڭ قۇقىقتىق مارتەبەسى بەلگىلەنەتىن بولادى.
مەملەكەتتىك ساتىپ الۋداعى دەرەكتەردى, ونىڭ ىشىندە جەرگىلىكتى قامتۋ ۇلەسىن جەدەل تالداۋعا كەلەتىن بولساق, مۇندا وبلىستار مەن اۋداندار بولىنىسىندە بارلىق اقپاراتتى الۋعا بولاتىن «ساتىپ الۋدىڭ بىرىڭعاي تەرەزەسى» باعدارلاماسى ماڭىزدى ءرول اتقارادى. بۇل تۋرالى ءباسپاسوز كونفەرەنتسياسى بارىسىندا «نارىقتى مونيتورينگىلەۋ جانە ساراپتاۋ ورتالىعى» جشس ديرەكتورى سەرىكبەك ەلشىبەكوۆ جەتكىزدى.
«ساتىپ الۋداعى جەرگىلىكتى قامتۋ ۇلەسى بويىنشا ەسەپتەردى ەگجەي-تەگجەيلى تالداۋعا جانە زەردەلەۋگە بولادى. سونداي-اق ونەركاسىپ پەن قاراپايىم زاتتار ەكونوميكاسى بولىنىسىندە جەرگىلىكتى قامتۋ ۇلەسى بويىنشا جەكە ەسەپ دايىنداپ جاتىرمىز», دەدى ول.