2021 جىلعى قاڭتار ايىنداعى مەملەكەتتىك بيۋدجەتكە سالىقتىق تۇسىمدەر جوسپارى 104,9%-عا, ونىڭ ىشىندە رەسپۋبليكالىق بيۋدجەت 88,0%-عا جانە جەرگىلىكتى بيۋدجەت 137,0%-عا ورىندالدى.
ەسەپتى كەزەڭدە مەملەكەتتىك بيۋدجەتكە تۇسكەن سالىقتىق تۇسىمدەر 490,4 ملرد. تەڭگەنى قۇرادى, 2020 جىلعا قاراعاندا 5,8%-عا (نەمەسە 30,5 ملرد.تەڭگەگە) تومەن. ونىڭ ىشىندە رەسپۋبليكالىق بيۋدجەت 14,6%-عا (نەمەسە 46,1 ملرد.تەڭگەگە) تومەندەدى, جەرگىلىكتى بيۋدجەت 7,6%-عا (نەمەسە 15,6 ملرد. تەڭگەگە) وستى.
رەسپۋبليكالىق سالىقتار بولىگىندە رەسپۋبليكالىق بيۋدجەت جوسپارى ورىندالماۋىنىڭ ەڭ كوپ سوماسى ىشكى ءوندىرىس تاۋارلارىنا قوسىلعان قۇن سالىعى بويىنشا – 22,5 ملرد. تەڭگە, كورپوراتيۆتى تابىس سالىعى - 14,2 ملرد. تەڭگە (90,5%) جانە ءۇشىنشى ەلدەردەن يمپورتقا قوسىلعان قۇن سالىعى - 6,6 ملرد. تەڭگە (86,8%).
وتكەن جىلدىڭ ۇقساس كەزەڭىمەن سالىستىرعاندا تومەندەۋدىڭ ەڭ جوعارعى سوماسى مۇنايعا سالىناتىن كەدەندىك اكەتۋ باجىنا (7,5%-عا) تيەسىلى.
كىرىستەردىڭ تومەندەۋىنە مىناداي فاكتورلار اسەر ەتتى.
2020 جىلدىڭ ۇقساس كەزەڭىمەن سالىستىرعاندا مۇناي باعاسىنىڭ 13,6%-عا تومەندەۋى بايقالادى.
ءۇشىنشى ەلدەرمەن تاۋار اينالىمى 2021 جىلدىڭ قاڭتارىندا 22,2%-عا تومەندەدى (ەكسپورت 31,0% - عا تومەندەدى, يمپورت 1,2% - عا ءوستى).
2021 جىلعى قاڭتاردا ساتۋ بويىنشا اينالىم 2020 جىلمەن سالىستىرعاندا 13,8%-عا (6 415 ملرد.تەڭگەدەن 5 529 ملرد.تەڭگەدەن دەيىن) تومەندەدى.
كورسەتىلگەن كەزەڭدە ءبىر سالىق تولەۋشىگە ونلاين باقىلاۋ-كاسسا ماشينالارىنان ورتاشا ءتۇسىمى 5,0%-عا (3,8 ملن.تەڭگەدەن 3,6 ملن. تەڭگەگە دەيىن) تومەندەدى.
2021 جىلعى قاڭتار ايىندا جەرگىلىكتى بيۋدجەتكە تۇسەتىن سالىقتىق تۇسىمدەر جوسپارى 59,8 ملرد.تەڭگەگە ارتىق ورىندالىپ, 137,0%-دى قۇرايدى.
جەرگىلىكتى بيۋدجەتكە سالىقتىق تۇسىمدەر 221,5 ملرد. تەڭگەنى قۇرادى, 2020 جىلعى قاڭتار ايىمەن سالىستىرعاندا 7,6%-عا (نەمەسە 15,6 ملرد.تەڭگەگە) وستى.