2021 جىلدىڭ 13 اقپانى كۇنى ەڭبەك دەمالىسىندا جۇرگەن 6506 اسكەري ءبولىمىنىڭ كەلىسىمشارت بويىنشا اسكەري قىزمەتشىسى جاس قىزدى ويى بۇزىق ەكى ەر ادامنان قۇتقارىپ قالدى, دەپ حابارلايدى Egemen.kz
وقيعا تۇنگى ساعات 00:40 شاماسىندا جىبەك جولى كوشەسىنىڭ بويىندا بولعان. ۇيىنە كەلە جاتقان ارتەم قاتتى ايقايلاپ كومەككە شاقىرعان ايەل ادامنىڭ داۋسىن ەستيدى. ول ويلانباستان داۋىس شىققان جاققا جۇگىرەدى. سول مەزەتتە ەڭگەزەردەي ەكى ەر ادامنىڭ جاس قىزعا كۇش كورسەتىپ, زورلاۋعا ارەكەت جاساپ جاتقانىن بايقاعان ول بىردەن ولارمەن ارپالىسا كەتەدى. بۇزاقىلاردىڭ بىرەۋىن شەتكە لاقتىرىپ تاستاپ, ەكىنشىسىمەن توبەلەسەدى. جەكپە-جەك ۇرىس تاسىلدەرىن قولدانا وتىرىپ, بۇزاقىنى جەرگە قۇلاتىپ, ۇستىنەن باسىپ وتىرادى, ال ەكىنشىسى سول مەزەتتە وقيعا ورنىنان قاشىپ ۇلگەرەدى.
ۇستالعان ازاماتتى وقيعا ورنىنان پوليتسيا قىزمەتكەرلەرى الىپ كەتتى, ول شىمكەنت قالاسىنىڭ ەڭبەكشى اۋداندىق پوليتسيا باسقارماسىنا جەتكىزىلدى.
«مەن قىزدىڭ ايقايلاعان داۋىسىن ەستىگەن كەزدە, ويلانباستان بىردەن سول جاققا جۇگىردىم. مەنىڭ ويىمشا ءاربىر ازامات تۋرا وسىلاي جاسار ەدى», دەيدى ارتەم كالاشنيكوۆ.
كۇدىكتىلەرلى ۇستاۋ كەزىندە ۇلاندىق قولىن جاراقاتتاپ العان ەكەن, بىراق سوعان قاراماستان, پوليتسيا قىزمەتكەرلەرى كەلگەنشە ولارمەن ارپالىسقان.
قازىرگى تاڭدا بۇل ءىس بويىنشا قىلمىستىق ءىس قوزعالدى, ەكىنشى كۇدىكتى ىزدەستىرىلىپ جاتىر.