شىمكەنت قالاسىنىڭ اكىمى مۇرات ايتەنوۆ «Instagram» جەلىسىندە ءداستۇرلى تىكەلەي ەفيردە تۇرعىندارمەن جۇزدەستى. قالا اكىمى بۇل جولى ازىق-ت ۇلىك باعاسىن تۇراقتاندىرۋ, باعانى رەتتەۋ ماسەلەلەرىن تالقىلادى, دەپ حابارلايدى Egemen.kz
جالپى تاقىرىپقا قاتىستى تۇرعىنداردان 130-دان استام پىكىر قالدىرىلعان. قالا اكىمى شاھاردا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ ءىس-شارالارىنان حاباردار ەتىپ, تۇرعىندار ساۋالدارىنا جاۋاپ بەردى. سونداي-اق, ازىق-ت ۇلىك باعاسىنىڭ قىمباتتاۋ سەبەبىن دە ءتۇسىندىرىپ ءوتتى.
مۇرات دۇيسەنبەك ۇلى ەڭ الدىمەن ەپيدەميالىق جاعدايدان حاباردار ەتتى. وتكەن تاۋلىكتە COVID-19 ينفەكتسياسىن جۇقتىرعان 9 جاعداي تىركەلدى. بۇگىندە قالادا 1 060 توسەك-ورىن بار (جۇقپالى – 560, كارانتين – 500), ونىڭ 889 توسەك-ورنى بوس. جۇقپالى جانە كارانتيندىك اۋرۋحانالاردا 171 ناۋقاس ەم قابىلداۋدا نەمەسە تولىمدىلىعى 16%. شىمكەنت قالاسىندا العاشقى 9 كۇندە ەگۋ بولمەلەرىندە كوروناۆيرۋس ينفەكتسياسىنا قارسى 705 مەديتسينا قىزمەتكەرى ۆاكتسيناتسيالاندى.
شىمكەنتتە قازىرگى تاڭدا نارىقتا جۇمىرتقا, كۇنباعىس مايى جانە قۇمشەكەر تاۋارلارىنىڭ باعاسى قىمباتتاعان. 2020 جىلدىڭ قازان ايىنان باستاپ جۇمىرتقانىڭ باعاسى 305 تەڭگەدەن 378 تەڭگەگە (10 داناسى), 23,9%-عا وسكەن. وعان تاۋىق ازىعىنىڭ ورتا ەسەپپەن 40 %-عا ءوسۋى جانە قۇس تۇماۋىنا قارسى ۆاكتسينالاردىڭ 61%-عا قىمباتتاۋى سەبەپ بولىپ وتىر.
وسىعان بايلانىستى 1 ساناتتى جۇمىرتقانىڭ باعاسىن تۇراقتاندىرۋ ماقساتىندا وڭىرلىك تۇراقتاندىرۋ قورىنان «شىمكەنت قۇس» تاۋار وندىرۋشىسىنە 200 ملن تەڭگە اينالىمعا قارىز قاراجات بەرىلدى. ءوندىرۋشى كاسىپورىننىڭ ونىمدەرى قازىرگى تاڭدا «گراماد», «فيركان» ساۋدا جەلىلەرىندە 10 داناسى 322 تەڭگەدەن ساتىلىپ جاتىر.
ال 2020 جىلدىڭ قازان ايىنان باستاپ كۇنباعىس مايى 469 تەڭگەدەن 599 تەڭگەگە, 27,7%-عا قىمباتتاعان. وندىرىستە پايدالاناتىن شيكىزاتتىڭ قىمباتتاۋى (كۇنباعىس تۇقىمى كولەمىنىڭ ازايۋى) باعانىڭ وسۋىنە اسەرى ەتكەن.
قالا اكىمى شاھاردا وڭىرلىك تۇراقتاندىرۋ قورىنىڭ جۇمىسىنا جالپى 4,2 ملرد تەڭگە قارالعانىن اتاپ ءوتتى. ياعني ساۋدا نىساندارعا اينالىمعا قارىز قاراجات بەرىلۋدە. اتاپ ايتقاندا, «فيركان» ساۋدا جەلىسىنە (15 نىسان) 300 ملن تەڭگە, «Turar» جشس-نە 505 ملن تەڭگە, «شىمكەنت قۇس» جشس-نە 200 ملن تەڭگە, «گراماد» ساۋدا جەلىسىنە (4 نىسان) 800 ملن تەڭگە, «يۋپەكس» جشس-نە 500 ملن تەڭگە, «Hermes» جشس-نە 28 ملن تەڭگە قارىز قاراجاتى بەرىلدى.
سونداي-اق قالا اۋماعىنىڭ تىعىز ورنالاسقان ايماقتارىندا الەۋمەتتىك دۇكەندەر اشۋ, ساۋدا نىساندارىنا مونيتورينگ جۇرگىزۋ, جارمەڭكەلەر ۇيىمداستىرۋ جۇمىستارى اتقارىلىپ جاتىر.