بۇگىن قوستاناي اكىمى قايرات احمەتوۆ قالا تۇرعىندارىنا ونلاين رەجىمدە ەسەپ بەردى. اكىم وبلىس ورتالىعىنىڭ 2020 جىلعى الەۋمەتتىك-ەكونوميكالىق دامۋىن قورىتىندىلاپ, قوستانايدا بيىل جۇزەگە اسىرىلاتىن تىڭ جوبالار تۋرالى باياندادى.
قوستانايدا بىلتىر ونەركاسىپ ونىمدەرىنىڭ كولەمى 652,1 ملرد تەڭگەگە دەيىن ۇلعايعان. اسىرەسە, كولىك قۇراستىرۋ سالاسىنىڭ تابىسى قوماقتى.
– جىل باسىنان بەرى قازاقستاندا 75 مىڭنان استام كولىك قۇرالى ءوندىرىلدى. ولاردىڭ جارتىسىنان كوبى ياعني, 53,2%-ى قوستانايداعى «سارىارقااۆتوپروم» زاۋىتىنا تيەسىلى. كاسىپورىن 2020 جىلى 40 مىڭ كولىك شىعاردى, – دەدى قايرات احمەتوۆ.
اكىمنىڭ ايتۋىنشا بيىل «يندۋستريالاندىرۋ-كاسىپكەرلىكتى قولداۋ كارتاسى» اياسىندا قوستانايدا بىرنەشە ءىرى كاسىپورىنداردىڭ قۇرىلىسى باستالماق.
- 2020-جىلى يندۋستريالىق ايماقتا «Beefexport Group» ەت وڭدەۋ كەشەنى مەن شويىن قۇيۋ زاۋىتىنىڭ, سونداي-اق اۆتوكولىك بولشەكتەرىن شىعاراتىن كاسىپورىننىڭ قۇرىلىسى بويىنشا جۇمىس جالعاسادى. «اگروماشحولدينگ KZ» اق اۋماعىنا بيزنەس-ينكۋباتور ورنالاستىرۋ جوسپارلانىپ وتىر. 2 جوبانى بيىل 1 توقساندا پايدالانۋعا بەرۋ جوسپارلانۋدا, - دەدى اكىم.