قوستاناي وبلىسىنداعى «قايراق» شەكارا بەكەتىندە قىزمەت ەتەتىن «زيتا» اتتى اسكەري يت رەسەيگە ەسىرتكى الىپ وتپەك بولعان ەر ادامدى ۇستادى.
«قر ۇقك شەكارا قىزمەتىنىڭ قوستاناي وبلىسىنداعى دەپارتامەنتىنە قاراستى «قايراق» (اۆتوكولىكتىك) شەكارالىق باقىلاۋ بولىمىندە ەسىرتكى زاتىن ۇستاۋ دەرەگى انىقتالدى. رەسەي فەدەراتسياسىنا جولعا شىققان وتانداسىمىزدىڭ قول جۇگىن تەكسەرۋ بارىسىندا «زيتا» قىزمەتتىك ءيتى جولاۋشىنىڭ قالتاسىندا ەسىرتكى بار ەكەنىن انىقتادى.
تەكسەرۋ كەزىندە قازاقستان رەسپۋبليكاسى ازاماتىنىڭ قالتاسىنان ءيىسى بار, جاسىل ءتۇستى 5 گرامم گاشيش ەسىرتكى زاتى تابىلدى» - دەپ مالىمدەدى قر ۇقك ءباسپاسوز قىزمەتى.
شەكاراشىلار ۇستالعان ازاماتتى قۇزىرلى ورگاندارعا تاپسىرعان. قازىر وعان قاتىستى تەرگەۋ امالدارى ءجۇرىپ جاتىر.