بۇل تۋرالى الماتى قالاسى قۇتقارۋ قىزمەتىنىڭ ءباسپاسوز قىزمەتى حابارلادى.
11 اقپاندا ساعات 14: 50-دە الماتى قالاسى قۇتقارۋ قىزمەتى جەدەل كەزەكشىسىنىڭ باسقارۋ پۋلتىنە كومەككە شاقىرۋ تۇسكەن. قوڭىراۋ شالۋشى جەر قازۋ جۇمىستارى كەزىندە الاتاۋ اۋدانىندا ورنالاسقان كەنجەحان بازارىنىڭ ارتىنداعى قوقىس اۋماعىندا ەر ادام استىندا قالىپ, وعان كومەك كەرەك ەكەنىن ايتتى. وقيعا ورنىنا جەدەل تۇردە 12 ادامنان تۇراتىن 109-شى قۇتقارۋشىلار توبى جانە ەكى كينولوگيالىق ەكيپاج اتتاندى. وقيعا ورنىنا جەتكەن قۇتقارۋشىلار ىزدەۋ-قۇتقارۋ جۇمىستارىن جۇرگىزە باستادى. قۇتقارۋ جۇمىستارى كەزىندە ەر ادامنىڭ دەنەسى تابىلدى, ول ۇيىندىلەردىڭ اراسىنان شىعارىلىپ, پوليتسيا مەن جەدەل جاردەم قىزمەتكەرلەرىنە تاپسىرىلدى.