ءبىلىم جانە عىلىم مينيسترلىگىنىڭ وكىلدەرى قازاقستاننىڭ جوعارى وقۋ ورىندارىندا «دەنە شىنىقتىرۋ» ءپانىن توقتاتۋ تۋرالى اقپاراتقا قاتىستى پىكىر ءبىلدىردى, دەپ حابارلايدى
الەۋمەتتىك جەلىدە ەلىمىزدىڭ جوعارى وقۋ ورىندارىندا دەنە شىنىقتىرۋدان باس تارتۋ ماسەلەسى تالقىلاندى. جەلى پايدالانۋشىلارى مۇنداي شەشىمگە نارازىلىقتارىن ءبىلدىرىپ جاتىر.
الايدا ءبىلىم جانە عىلىم مينيسترلىگى «دەنە شىنىقتىرۋ» ءپانىن مەملەكەتتىك جالپىعا مىندەتتى ءبىلىم بەرۋ ستاندارتتارىنان الىپ تاستاۋ مۇمكىندىگى تۋرالى اقپارات شىندىققا جاناسپايتىنىن حابارلادى.
«بۇگىندە مۇنداي بۇيرىق جوق جانە بۇل ماسەلە ايتارلىقتاي تالقىلانىپ جاتقان جوق. ارينە ساراپشىلار مەن مۇعالىمدەردىڭ ارقاشان ءارتۇرلى ۇسىنىسى بولادى. قازىر ۋنيۆەرسيتەتتەردە اكادەميالىق ەركىندىك بار جانە وسىنداي ماسەلەلەردى ءوزى شەشەدى. بۇل سۇراققا كەز كەلگەن جوعارى وقۋ ورنىنىڭ اكادەميالىق دەپارتامەنتى جاۋاپ بەرە الادى», دەدى اباي اتىنداعى قازۇپۋ كەاق باسقارما توراعاسىنىڭ مىندەتىن اتقارۋشى – رەكتورى تاكير بالىقباەۆ.