سولتۇستىك قازاقستان وبلىسى م.جۇماباەۆ اۋدانىنىڭ ورتالىعى بۋلاەۆ قالاسىنداعى تۇرعىن ۇيلەردىڭ بىرىندە ءورت بولىپ, 1993 جىلى تۋعان ءۇي يەسى جانە ونىڭ 1992 جىلعى ايەلى مەن ولاردىڭ 2017 جىلى تۋعان ۇلدارى جانە قونىپ جاتقان بوگدە ايەل – تورتەۋى دە وت قۇشاعىندا قالىپ, قازا تاپتى. ءورتتىڭ كۇشەيۋىنە جارىلعان گاز بالونى قاتتى اسەر ەتكەن. سونىڭ كەسىرىنەن ءۇيدىڭ توبەسى دە ۇشىپ كەتكەن, دەپ حابارلايدى Egemen.kz.
بۋلاەۆ سەلوسىنداعى №112 ورتسوندىرۋشىلەر ءبولىمىنىڭ قىزمەتكەرلەرى ۋاقىتىندا جەتكەنىمەن ادامداردى ءورت قۇشاعىنان قۇتقارۋعا مۇمكىندىك بولمادى. ءورتتىڭ لاڭىنان تۇرعىن ءۇي تولىقتاي جارامسىز بولىپ قالدى. قازىر ءورتتىڭ شىعۋ سەبەپتەرى انىقتالىپ, كەلتىرىلگەن ماتەريالدىق شىعىندار ەسەپتەلۋدە. سونىمەن بىرگە ولگەندەردىڭ تۋىستارىنا پسيحولوگيالىق كومەكتەر كورسەتىلۋدە.