كاسىبىن ىدىس-اياق, پارفيۋمەريا, بالالار ويىنشىعىن ساتۋمەن باستاعان رابيعا بايتەمىروۆا بۇگىندە ءوزى وتاندىق بالالار ويىنشىعىن ءوندىرىپ وتىر. كاسىپورىن «Navruz Plastik – ShR» ساۋدا ماركاسىمەن قازاقستان نارىعىندا كەڭىنەن تانىلۋدا.
بالالار ويىنشىعىن قۇراستىرۋدى نەلىكتەن قولعا العانى جونىندە كاسىپكەردىڭ ءوزى بايانداپ, الداعى جوسپارلارىمەن ءبولىستى. بالالار ويىنشىعىن قۇراستىرۋدى نەلىكتەن قولعا العانى جونىندە كاسىپكەردىڭ ءوزى بايانداپ, الداعى جوسپارلارىمەن ءبولىستى.
- 1995 جىلدارى جۇبايىم ەكەۋمىز قىتاي, يران, رەسەي جانە وزبەكستان ەلدەرىنەن ءتۇرلى تاۋارلار اكەلىپ ساتىپ جۇردىك. سوندا بالالار ويىنشىعىنا دەگەن سۇرانىستىڭ جوعارى ەكەنىن بايقادىق. ساۋدامەن ۇزاق جىلدار بويى اينالىسقاندىقتان, نارىقتى زەرتتەپ, ويىنشىقتار وندىرىسىمەن اينالىسۋعا بەل بۋدىق. سول ۋاقىتتا ۇلىم قىتايدا وقيتىن جانە قۇرال-جابدىقتاردى, وندىرىستىك جانە تەحنولوگيالىق پروتسەستەرمەن ءبىزدى ۇلىمىز تانىستىردى. ناتيجەسىندە 2013 جىلى قاجەتتى جابدىقتاردى الىپ, «ماگ» ويىنشىقتارى جەلىسىن جيناقتاقتاۋدى باستاپ كەتتىك. ال 2015 جىلى ويىنشىقتار اسسورتيمەنتىن كەڭەيتۋ ءۇشىن پرەسس-قالىپتار, قوسىمشا قۇرال-جابدىقتار شىعاراتىن ماشينا جابدىعى, بالالارعا ارنالعان كۆادروتسيكلداردى ساتىپ الۋ قاجەتتىگى تۋدى. بۇل ماقساتتا مەملەكەتتىك باعدارلاما شەڭبەرىندە «دامۋ» قورى نەسيە الۋعا كومەك كورسەتتى. وسىلايشا ويىمىز جۇزەگە استى. الداعى ۋاقىتتا باسقارۋ قۇرىلعىسى بار كولىك ويىنشىقتار, قۋىرشاق, بالالارعا ارنالعان ىدىس-اياقتار جاساپ, ەكسپورتقا شىعارساق دەگەن جوسپارىمىز بار,- دەيدى شىمكەنتتىك كاسىپكەر.
بۇگىنگى تاڭدا كاسىپورىن موتوتسيكل, تۇلپار, قۇراستىرعىشتار شىعارادى. ايىنا 4000-6000 دانا ويىنشىق وندىرۋگە قاۋقارلى. 20 ادامدى جۇمىسپەن قامتۋدا. رەسپۋبليكامىزدىڭ بارلىق وڭىرىندەگى دۇكەندەردەن قولجەتىمدى باعادا كەزدەستىرە الامىز. سونىمەن بىرگە, قىرعىزستان ەلىنە دە جولدانادى. تۇركيا جانە يران ينۆەستورلارى قىزىعۋشىلىق تانىتىپ, بىرلەسە جۇمىس جاساۋدى ۇسىنىپ وتىر.ءونىم وندىرۋدە پوليپروپيلەن مەن پوليەتيلەن سەكىلدى شيكىزاتتى يران, تۇرىكمەن ەلىنەن الدىرسا, بوياۋلارى ۆەتنام جانە گەرمانيا, كورەيادان اكەلىنەدى. كوپ جىلدىق تاجىريبەسى بار رابيعا بايتەمىروۆا – «العا جىلجۋداعى باستى قاعيدام وزىمە ۇنەمى ماقسات قويىپ, بىلىكتىلىگىمدى ارتتىرۋ جولىندا كۇن سايىن ءبىلىمىم مەن كاسىبي داعدىمدى جەتىلدىرىپ وتىرۋ», دەپ تۇسىندىرەدى.