“ەستۋشى مەملەكەت” قاعيداتىن جۇزەگە اسىرۋ اياسىندا دەپارتامەنتتە ازاماتتاردىڭ وتىنىشتەرىن جەدەل قاراۋ ءۇشىن ارنايى ءبولىم قۇرىلادى, دەپ حابارلايدى Egemen.kz Polisia.kz سايتىنا سىلتەمە جاساپ.
– وسى مودەلدىڭ پيلوتتىق جوباسى ءبىر جىل بۇرىن قاراعاندى وبلىسىندا باستالدى. ولاردىڭ مىسالىنا سۇيەنە وتىرىپ, قالانىڭ ەكى اۋدانىندا وسىنداي مودەلدى پيلوتتىق جوبا رەتىندە ەنگىزۋ جوسپارلانۋدا: الاتاۋدا – جەكە سەكتوردا جانە بوستاندىقتا – تۇرعىن ءۇي كەشەنىندە. ەلباسىنىڭ تاپسىرماسى اياسىندا ءبىز اكىمدىكپەن بىرگە ۋچاسكەلىك پوليتسيا ينسپەكتورلارىنىڭ قىزمەتىن جەتىلدىرۋدىڭ ءۇش جىلدىق جوسپارىن قۇرىپ جاتىرمىز. بۇل جوسپار ۋچاسكەلىك پوليتسيا ينسپەكتورلارىنىڭ جۇمىسى مەن تۇرمىستىق جاعدايلارىنىڭ بارلىق اسپەكتىلەرىن قامتيدى. جوسپاردىڭ ارتىقشىلىقتارىنىڭ ءبىرى – ۋچاسكەلىك پوليتسيا ينسپەكتورلارى وزدەرىنىڭ قىزمەت كورسەتىلەتىن اكىمشىلىك ايماعىندا تۇراتىن بولادى, بۇل ازاماتتاردىڭ وتىنىشتەرىنە جەدەل جاۋاپ بەرۋگە مۇمكىندىك بەرەدى, – دەدى الماتى پوليتسيا دەپارتامەنتىنىڭ باستىعى قانات تايمەردەنوۆ قالا تۇرعىندارىنىڭ الدىندا ەسەپ بەرۋ كەزىندەگى سويلەگەن سوزىندە.
2020 جىلى بارلىق اعا ۋچاسكەلىك ينسپەكتورلار حالىق اراسىندا سەنىمدىلىكتى, قولجەتىمدىلىكتى جانە تانىمالدىلىقتى ارتتىرۋ ماقساتىندا, “پوليتسيا جاقىن ماڭدا” قاعيداتىن جۇزەگە اسىرۋ ماقساتىندا “Facebook” الەۋمەتتىك جەلىسىنە تىركەلدى. قازىرگى ۋاقىتتا 365 مىڭنان استام ازامات جازىلعان. ولار سونداي-اق, “WhatsApp” مەسسەندجەرىنىڭ پيك چاتتارىنا ەنگىزىلگەن, مۇندا اكىمشىلىك ايماقتاعى تۇرعىنداردان ءارتۇرلى پروبلەمالىق سۇراقتار تۇسەدى, بۇل پيك-پەن تىعىز قارىم-قاتىناس ورناتۋعا جانە سۇرانىستارعا تەز جاۋاپ بەرۋگە مۇمكىندىك بەرەدى.
– جوعارىدا اتالعان شارالاردان باسقا, ىشكى ىستەر ورگاندارىن جاڭارتۋ ماقساتىندا 2021 جىلى پوليتسيا دەپارتامەنتى كەلەسى باسىم مىندەتتەردى بەلگىلەدى, ولاردىڭ ورىندالۋى جەدەل ورتانى جاقسارتۋعا جانە قۇقىق بۇزۋشىلىقتىڭ الدىن الۋعا مۇمكىندىك بەرەدى. بىرىنشىدەن, “ەستۋشى مەملەكەت” قاعيداتىن جۇزەگە اسىرۋ اياسىندا دەپارتامەنتتە ازاماتتاردىڭ وتىنىشتەرىن جەدەل قاراۋ ءۇشىن ارنايى ءبولىم قۇرىلادى. ەكىنشىدەن, ءۇش دەڭگەيلى سوت تورەلىگى جۇيەسىن ەنگىزۋ ءۇشىن ءبىز قىلمىستىق ىستەردىڭ 60%-ىن تەرگەۋدىڭ ەلەكتروندىق فورماتىنا وتكىزەمىز. ۇشىنشىدەن, بيىل جاڭا فورماعا كوشۋ جۇزەگە اسىرىلادى. ءبىرىنشى كەزەكتە, وزگەرىس سىرتقى قىزمەتتەرگە اسەر ەتەدى. تورتىنشىدەن, ءبىز قىلمىستىڭ الدىن الۋ, قىلمىستىڭ وسۋىنە جول بەرمەۋ جۇمىستارىن جالعاستىرامىز. وسى ماقساتتار ءۇشىن قىلمىستىق قاۋىپتى ايماقتارداعى جاياۋ پاترۋلدىك جاساقتار مەن مودۋلدىك پوستتاردىڭ سانىن كوبەيتۋدى جوسپارلاپ وتىرمىز, – دەدى قانات تايمەردەنوۆ.