شارم-ەل-شەيح – الماتى رەيسىمەن كەلگەن ءبىر جولاۋشىدان ۆيرۋس تابىلدى

2021 جىلعى 10 اقپانىندا قازاقستان رەسپۋبليكاسىنىڭ اۋماعىنا گەرمانيا, كورەيا, ءباا, مىسىر, تۇركيا, رف, بەلارۋس رەسپۋبليكاسى جانە وزبەكستاننان 12 حالىقارالىق اۋە رەيسى كەلدى.

1304 اۋە جولاۋشىلارىنىڭ ىشىندە پتر-تەستىلەۋدىڭ تەرىس ناتيجەسى بار انىقتامامەن 1 032 ادام, انىقتاماسىز 272 قر ازاماتى بولدى. ونىڭ ىشىندە: الماتى قالاسىنىڭ اۋەجايىنا – 5 رەيس, 639 جولاۋشى, انىقتامامەن - 603, انىقتاماسىز - 36;

نۇر-سۇلتان قالاسىنىڭ اۋەجايىنا – 5 رەيس, 560 جولاۋشى, انىقتامامەن - 324; انىقتاماسىز - 236;

اتىراۋ قالاسىنىڭ اۋەجايىنا – 1 رەيس, بارلىق 80 جولاۋشى انىقتامامەن;

قاراعاندى قالاسىنىڭ اۋەجايىنا – 1 رەيس, بارلىق 25 جولاۋشى انىقتامامەن كەلگەن.

انىقتاماسىز كەلگەن قازاقستان ازاماتتارى كەلگەن جەرلەرى بويىنشا COVID-19-عا پتر-تالداۋ ادىسىمەن تەستىلەندى جانە كارانتيندىك ستاتسيونارلاردا ءوز ناتيجەلەرىن كۇتىپ وتىر.

2021 جىلدىڭ 9 اقپانىندا انىقتاماسىز كەلگەن 224 قر ازاماتىنىڭ پتر-تالداۋ ناتيجەلەرى بويىنشا شارم-ەل-شەيح – الماتى رەيسىمەن كەلگەن ءبىر جولاۋشىدان كوروناۆيرۋستىق ينفەكتسيا انىقتالدى.