2021 جىلعى 10 اقپاندا نۇر-سۇلتان قالاسى ۇلتتىق اكادەميالىق كىتاپحاناسىندا قر اقپارات جانە قوعامدىق دامۋ ۆيتسە-ءمينيسترى مارات ءازىلحانوۆتىڭ قازاقستان حالقى اسسامبلەياسىنان قر پارلامەنتى ءماجىلىسىنىڭ دەپۋتاتتارىمەن كەزدەسۋى ءوتتى. كەزدەسۋ جۇمىسىنا قر پارلامەنتى ءماجىلىسىنىڭ دەپۋتاتتارى, قر ءپا قحا حاتشىلىعى مەڭگەرۋشىسىنىڭ ورىنباسارى ل.ا.پروكوپەنكو, ەتنوسارالىق قاتىناستاردى دامىتۋ كوميتەتىنىڭ, «قوعامدىق كەلىسىم» رمم, «قولدانبالى ەتنوساياسي زەرتتەۋلەر ينستيتۋتى» جشس, «وتانداستار قورى» ۇاق باسشىلارى قاتىستى.
كەزدەسۋدە مينيسترلىكتىڭ ەتنوسارالىق قاتىناستاردى دامىتۋ كوميتەتى مەن ۆەدومستۆولىق باعىنىستى ۇيىمدارىنىڭ باسشىلىعى دەپۋتاتتاردى 2020 جىلى جۇرگىزىلگەن جۇمىستارمەن تانىستىرىپ, 2021 جىلعا ارنالعان جوسپارلارىن كورسەتتى. كەزدەسۋ بارىسىندا ۆيتسە-مينيستر م.ءازىلحانوۆ دەپۋتاتتارعا ەتنوسارالىق سالاداعى جۇمىس بارىسىن ءتۇسىندىردى, ەتنوسارالىق قاتىناستاردى قوزعايتىن دەپۋتاتتىق ساۋالداردى قالىپتاستىرۋ كەزىندە بىرلەسكەن تەتىكتەردى ازىرلەۋ بويىنشا بىرقاتار ۇسىنىستار جاسادى, قازاقستاننىڭ بارلىق ەتنوستارىنىڭ مۇددەلەرىن ەسكەرە وتىرىپ, زاڭ جوبالارىن قاراۋ بويىنشا ۇسىنىس جاسادى. سونىمەن قاتار, دەپۋتاتتارعا تالداۋ جانە الەۋمەتتىك جۇمىس ناتيجەلەرىن تۇراقتى نەگىزدە ۇسىنۋ, قحا ءىس-شارالارىنا, ونىڭ ىشىندە اقپاراتتىق-ءتۇسىندىرۋ جۇمىستارىنا قاتىسۋ, سونداي-اق ەل وڭىرلەرىنە بىرلەسكەن ساپارلار مۇمكىندىگىن قاراستىرۋ تۋرالى ۇسىنىستار بەردى.
قر پارلامەنتى ءماجىلىسىنىڭ دەپۋتاتتارى ەلدەگى ەتنوسارالىق قاتىناستاردى ودان ءارى دامىتۋ جانە ساقتاۋ ماقساتىندا مينيسترلىكپەن بىرلەسىپ جۇمىس ىستەۋگە دايىن ەكەندىكتەرىن ءبىلدىردى.
كەزدەسۋدىڭ بارلىق قاتىسۋشىلارى توقسان سايىنعى نەگىزدە بىرلەسكەن جۇمىس كەزدەسۋلەرىن وتكىزۋگە دايىن ەكەندىكتەرىن ءبىلدىردى.