مەملەكەتتىك قىزمەت ىستەرى اگەنتتىگىنىڭ القا وتىرىسىندا اگەنتتىك توراعاسى انار جايىلعانوۆا ارتىق جۇمىس ءۇشىن ۇستەمەاقى تولەۋ پروتسەسى تۋرالى ايتىپ بەردى, دەپ حابارلايدى Egemen.kz
«پروتسەستى اۆتوماتتاندىرۋ جانە نەگىزسىز ارتىق جۇمىس ىستەۋدى بولدىرماۋ ماقساتىندا اگەنتتىك تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ, كىرۋدى باقىلاۋ جانە باسقارۋ جۇيەسىن «ە-قىزمەت» اقپاراتتىق جۇيەسىمەن بىرىكتىرىپ جاتىر. بۇل كەلەشەكتە ارتىق جۇمىس ىستەگەندەردى انىقتاۋعا جانە كادر قىزمەتتەرىنىڭ ارالاسۋىنسىز ۇستەمەاقى تولەۋ نەمەسە قوسىمشا دەمالىس ساعاتتارىن ۇسىنۋ تۋرالى باسقارۋشىلىق شەشىمدەر ۇسىنۋعا مۇمكىندىك بەرەدى», دەدى ا.جايىلعانوۆا.
بۇعان دەيىن اگەنتتىك باسشىسى مەملەكەتتىك قىزمەتكە ءوتىنىمدى ينتەرنەت ارقىلى جىبەرۋگە بولاتىنىن ايتقان ەدى. «مەملەكەتتىك قىزمەتكە قابىلداۋ» پورتالى ءۇشىن iqyzmet.gov.kz دومەندىك اتاۋى الىنعان.