ءتۇن تىنىشتىعىن كىم بۇزادى؟ پاتەر يەسى مە, الدە وزگە مە؟ اتىراۋدا تۇنگى مەزگىلدە تۇرعىنداردىڭ تىنىشتىعىن باسقا ەمەس, جەڭىل ءجۇرىستى قىزدار بۇزاتىن بولىپ تۇر.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 102 وپەراتورىنا ش.ءۋاليحانوۆ كوشەسىندە ورنالاسقان كوپقاباتتى ءۇيدىڭ تۇرعىنى شاعىم تۇسىرگەن. ول كورشىسىنىڭ پاتەرىن جالداۋشىلار تۇنگى تىنىشتىقتى بۇزعانى تۋرالى حابارلاپتى.
«اتىراۋ قالاسىنداعى №2 ۋچاسكەلىك پوليتسيا پۋنكتىنىڭ ۋچاسكەلىك پوليتسيا ينسپەكتورلارى تۇنگى ساعات 02:52-دە جالدامالى پاتەردى العان جەڭىل جۇرىستەگى قىزداردىڭ ادامداردى قابىلداعانىن انىقتادى. مۇندا تۇركىستان قالاسىنان كەلگەن 2 ازاماتشا جەزوكشەلىكپەن اينالىسقان. ولارعا قاتىستى قر اكىمشىلىك قۇقىق بۇزۋشىلىق تۋرالى كودەكسىنىڭ 437-بابىمەن (تۇنگى تىنىشتىقتى بۇزۋ) حاتتامالار تولتىرىلدى» دەپ حابارلادى دەپارتامەنتتىڭ ءباسپاسوز قىزمەتىنەن.
ال باسپاناسىن جالعا بەرگەن 48 جاستاعى تۇرعىنعا قر اكىمشىلىك قۇقىق بۇزۋشىلىق تۋرالى كودەكسىنىڭ 450-بابىمەن (كورىنەۋ جەزوكشەلىكپەن اينالىسۋ نەمەسە جەڭگەتايلىق ءۇشىن ءۇي-جايلار ۇسىنۋ) 218 775 مىڭ تەڭگە كولەمىندە ايىپپۇل سالىندى.