شىمكەنت قالاسىنداعى مەكتەپتەردىڭ 7 242 كەزەكشى سىنىبىندا 100 477 وقۋشى, قاشىقتىقتان 104 393 وقۋشى ءبىلىم الىپ جاتىر, دەپ حابارلايدى Egemen.kz
وكىنىشكە وراي 65 مەكتەپ وقۋشىسى كوروناۆيرۋس ينفەكتسياسىن جۇقتىردى (ونلاين-46, وففلاين-19). وسىعان وراي №1, 6, 18, 22, 35, 49, 66, 99, 104, 108 مەكتەپتەرى كارانتينگە جابىلدى. دەسە تە اتالعان مەكتەپ وقۋشىلارى 100 پايىز قاشىقتىقتان ءبىلىم الۋدا.
وسى جىلى مەكتەپتەر 259 جاڭا موديفيكاتسيالانعان كابينەتپەن تولىقپاق. ونىڭ ىشىندە حيميا - 95 , فيزيكا - 50 , بيولوگيا – 82, ستەم كابينەت – 13, روبوتوتەحنيكا – 23, لوگوپەديالىق كابينەت – 7. ودان بولەك, 205 پانەلدىك تاقتا, 28 مەكتەپكە سپورت الاڭىن ورناتۋ ءۇشىن شىمكەنت قالالىق ساتىپ الۋ دەپارتامەنتىنە ءوتىنىم بەرىلدى.
سونىمەن قاتار, بارلىق مەكتەپتەردىڭ سىرتقى اجەتحانالارىن جويۋ جۇمىستارى باستالدى. ولاردىڭ سانى 151 بولاتىن. زاڭ جۇزىندە36 مەكتەپتىڭ سىرتتا اجەتحاناسى بولماعان. ال اجەتحانانى بۇزۋ تۋرالى قۇجاتتاما دايىندالعان مەكتەپتەر سانى – 61. قالعان 90 جاڭا مەكتەپكە زەردەلەۋ جۇمىستارى جۇرگىزىلىپ, شەشىم قابىلداناتىن بولادى.