شىمكەنت قالاسىنداعى ايكول تۇرعىن الابىندا قۋاتتىلىعى 20 مۆت-تى قۇرايتىن كۇن ەلەكتر ستانتسياسى جۇمىسىن باستادى. ينۆەستيتسيالىق جوبا قالالىق اكىمدىگى مەن «KAZAKH INVEST» ۇك» اك قولداۋمەن ىسكە اسىلىرعان. بۇل مەگاپوليستەگى ءۇشىنشى كۇن ەلەكتر ستانتسياسى. اتالعان اۋماقتاعى ەلەكتر ستانتسياسى 50 گەكتار جەردى الىپ جاتىر. جوباعا شەتەلدىك ينۆەستور تارتىلعان. ونىڭ جالپى قۇنى – 6,2 ملرد تەڭگەنى قۇرايدى, دەپ حابارلايدى Egemen.kz.
جوبا 2020 جىلدىڭ جەلتوقسان ايىندا اياقتالىپ, پايدالانۋعا بەرىلدى. ناتيجەسىندە 15 ادام تۇراقتى جۇمىسپەن قامتىلىپ وتىر. ستانتسيا 45 مىڭعا جۋىق تۇرعىندى ەلەكتر قۋاتىمەن قامتاماسىز ەتۋگە مۇمكىندىك بەرەدى.
بۇگىنگى تاڭدا, كۇن ەلەكتر ستانتسياسىمەن وندىرىلگەن ەلەكتر قۋاتى «كەگوك» اق-نىڭ قوسالقى ستانتسياسى ارقىلى قالاعا تاراتىلۋدا.جالپى شىمكەنت قالاسىندا جاڭارتىلاتىن ەنەرگيا كوزدەرىن دامىتۋ جۇمىستارى قازاقستان رەسپۋبليكاسىنىڭ «جاسىل ەكونوميكاعا» كوشۋ جونىندەگى تۇجىرىمداماسىنا سايكەس جوسپارلى تۇردە جۇزەگە اسىرىلىپ كەلەدى.
ماسەلەن, «سۋ رەسۋرستارى-ماركەتينگ» كاسىپورنىمەن اقباي-قاراسۋ سۋ جيناقتاۋشى يماراتىندا قۇنى شامامەن 230 ملن. اقش دوللارى بولاتىن گەوتەرمالدى سورعى جابدىقتارى ورناتىلعان. ناتيجەسىندە كاسىپورىننىڭ ەلەكتر قۋاتىن پايدالانۋ شىعىنى 5 ەسەگە تومەندەگەن. سونىمەن قاتار, اتالعان سۋ جيناقتاۋشى مەكەمەسىندە ساعاتىنا 200 كۆت ەلەكتر قۋاتىن وندىرەتىن كۇن ەلەكتر باتارەيلەرى ورناتىلعان.
بۇدان بولەك, كارىز تازالاۋ يماراتىندا ساعاتىنا 2 مىڭ كيلوۆاتت ەلەكتر قۋاتىن وندىرەتىن كىشى سۋ ەلەكتر ستانساسى مەن گاز جانە ەلەكتر ەنەرگياسىن ءوندىرۋ ماقساتىندا ساعاتىنا 400 كيلوۆاتت ەلەكتر قۋاتىن وندىرەتىن بيوگاز قوندىرعىسى ىسكە قوسىلعان. ناتيجەسىندە, ەلەكتر قۋاتىنىڭ تۇتىنۋ كولەمى 88 پايىزعا تومەندەپ, شايىندى سۋلاردى تازالاۋ قۋاتى تاۋلىگىنە 100 مىڭ م3 - 150 مىڭ م3 دەيىن ءوستى. سونىمەن قاتار, ءبىر جىلدا 67,3 ملن. تەڭگە قاراجات ۇنەمدەلگەن.