ۇكىمەت وتىرىسىندا قارجى ءمينيسترى ەرۇلان جاماۋباەۆ مەملەكەتتىك كىرىس ورگاندارى قىزمەتكەرلەرىنە شەن بەرىلىپ, بازالىق جالاقىسىنا قوسىمشا ۇستەمە قوسىلىپ, بىرىڭعاي فورمالىق كيىندىرۋ ەنگىزىلەتىنىن مالىمدەدى, دەپ حابارلايدى Egemen.kz
«سىبايلاس جەمقورلىققا قارسى ءىس-قيمىل اگەنتتىگى مەن «ادالدىق الاڭى» جوبالىق كەڭسەسى اتاپ وتكەندەي, مەملەكەتتىك كىرىس ورگاندارىنىڭ قىزمەتكەتكەرلەرى جالاقىسىنىڭ تومەندىگى, الەۋمەتتىك قورعالماعانى مەن قىزمەتىنىڭ جاۋاپكەرشىلىگى جوعارى بولۋىنا بايلانىستى جەمقورلىق تاۋەكەلىنە تاپ بولىپ وتىر», دەدى جاماۋباەۆ.
ەرۇلان جاماۋباەۆتىڭ ايتۋىنشا, مۇنداي جاعداي ءبىلىمى مەن مول تاجىريبەسى بار قىزمەتكەرلەردىڭ جەكەمەنشىك سەكتورعا كەتۋىنە اكەپ سوعادى. «وسىعان بايلانىستى ولاردىڭ بازالىق جالاقىسىنا ۇستەمە قوسىپ, بىرىڭعاي فورمالىق كيىم مەن كلاسستىق شەن ەنگىزۋ ۇسىنىلۋدا. بۇل شارا بىلىكتى كادرلاردى ساقتاپ, جەمقورلىق دەڭگەيىن تومەندەتۋگە, سونداي-اق مەملەكەتتىك كىرىس ورگاندارىنىڭ مارتەبەسىن كوتەرۋگە سەپتىگىن تيگىزەدى», دەپ اتاپ ءوتتى ول.