ماروككودا تولاسسىز جاۋعان جاڭبىردان فابريكانى سۋ باسىپ, 24 ادام قازا تاپتى. تاعى 10 كىسى قۇتقارىلدى, دەپ حابارلايدى Egemen.kz 24.kz سايتىنا سىلتەمە جاساپ.
وقيعا ەلدىڭ سولتۇستىگىندەگى تانجەر قالاسىندا بولدى. زاڭسىز كاسىپورىن قالا شەتىندەگى ءبىر ءۇيدىڭ استىندا ورنالاسقان. جاۋىننان ول لەزدە سۋعا تولىپ, جۇمىسشىلار قامالىپ قالسا كەرەك. قايعىلى وقيعا كەزىندە فابريكادا قانشا ادام بولعانى بەلگىسىز. قازىر ونىڭ سەبەپتەرى تەكسەرىلىپ جاتىر.
ال جەرگىلىكتى اقپارات قۇرالدارىنىڭ حابارلاۋىنشا, ماروككودا ىندەتتەن ءىرى كاسىپورىندار تاپسىرىستاردى كوپتەپ ورىنداۋ ءۇشىن وسىنداي زاڭسىز فابريكالاردىڭ قىزمەتىنە سۇيەنۋدى ارتتىرعان. ولاردا ادەتتە 40 ادامعا دەيىن جۇمىس ىستەيتىنىن ايتادى.