«قازگيدرومەت» رمك الداعى ءۇش كۇنگە, ياعني 9-11 اقپانعا اۋا رايى بولجامىن جاريالادى, دەپ حابارلايدى Egemen.kz
«كەزەڭ ىشىندە قازاقستان اۋماعىنىڭ باسىم بولىگى سكانديناۆيا اۋداندارىنان كەلەتىن سۋىق انتيتسيكلوننىڭ ىقپالىندا بولادى, ونىمەن اۋا تەمپەراتۋراسى 23-30 گرادۋس ايازعا دەيىن, ەلدىڭ شىعىسىندا 28-33 گرادۋسقا دەيىن تومەندەيدى دەپ كۇتىلۋدە. ال باتىس وڭىرلەرگە اتلانتيكا اۋداندارىنان كەزەكتى تسيكلون اسەر ەتەدى, جاۋىن-شاشىن (جاڭبىر, قار) تۇسەدى, كوكتايعاق, تۇمان, سونداي-اق اۋا تەمپەراتۋراسى كوتەرىلەدى», دەلىنگەن حابارلامادا.