پارا كولەمى 100 مىڭ تەڭگەدەن باستاپ 5 ميلليون تەڭگەگە دەيىن بولعان.
«قازاقستان تەمىر جولى» كومپانياسىنىڭ لاۋازىمدى قىزمەتكەرلەرى ۆاگونداردى كەدەرگىسىز وتكىزۋ ءۇشىن پارا الىپ كەلگەن. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ ايتتى.
«جەمقورلىق جاعدايلارى «قتج» ۇك» اق-تا دا ءجيى كەزدەسەدى. ول كومپانياداعى جەكەلەگەن جەتەكشىلەر ۆاگونداردى كەدەرگىسىز وتكىزۋ ءۇشىن كاسىپكەرلەردەن ءىرى كولەمدە پارا الىپ كەلگەن. مۇنداي جاعدايلاردىڭ الماتى, شقو, قوستاناي, اقمولا, قىزىلوردا, پاۆلودار وبلىستارى مەن شىمكەنتتە تىركەلدى», دەدى سپيكەر اگەنتتىكتىڭ ونلاين رەجيمدەگى ءباسپاسوز ءماسليحاتىندا.
ونىڭ ايتۋىنشا جەمقورلار وزدەرى ۇيىمداستىرعان قىلمىستىق جوسپاردىڭ ارقاسىندا ەداۋىر بايىپ العان. «پارا كولەمى 100 مىڭ تەڭگەدەن باستاپ 5 ميلليون تەڭگەگە دەيىن بولعان. بۇل ىستەردە ونداعان ميلليون تەڭگەنىڭ جاعدايلارى تەرگەلۋدە», دەدى دانيار بەكايداروۆ