اقتوبە قالاسىندا كوكتەمگى سۋ تاسقىنى كەزىندە توتەنشە جاعدايلاردىڭ الدىن الۋعا دايىندىق جۇمىستارى باستالدى. بۇل ماقساتتا جەرگىلىكتى بيۋدجەتتەن 155 ملن تەڭگە بولىنگەن, دەپ حابارلايدى egemen.kz.
وبلىس ورتالىعى مەن ونىڭ توڭىرەگىندەگى ەلدى مەكەندەر بويىنشا سۋ تاسقىنىنا قارسى ءىس-شارالارعا 100-دەن استام سۋ سورعىش كولىك, 20-دان استام ارناۋلى تەحنيكا جانە 5 موتوپومپا جۇمىلدىرىلادى.سونداي-اق قالا شەتىندەگى باۋ-باقشا ۇجىمدارى ورنالاسقان اۋماقتاعى سۋ دەڭگەيىن باقىلاۋدا ۇستاپ, جەكە تۇرعىن ۇيلەرگە كىرمەۋى ءۇشىن كۇرت كوتەرىلگەن سۋدىڭ جولىن بوگەۋگە 4 مىڭ توننا قۇم, ساز, قيىرشىق تاس دايىندالدى. تاسقىنعا قارسى شارالارعا 7 مەردىگەرلىك ۇيىم مەن 160-تان استام ارنايى تەحنيكا قاتىسادى.
سوڭعى كۇندەرى اقتوبە وبلىسىن اۋماعىندا اۋا تەمپەراتۋراسىنىڭ كۇرت جىلىنىپ, قىس ورتاسىندا كوكتەم كەلگەندەي تابيعات قۇبىلىسى كۇرت وزگەردى. كەشەدەن بەرى اۋا تەمپەراتۋراسى +2 گرادۋسقا دەيىن جوعارىلاپ, قار ەري باستادى. سينوپتيكتەر كەلەسى اپتادا كۇن رايى قايتا قاتاڭدايدى دەگەن بولجام جاساپ وتىر. سوعان قاراماستان كۇن قايتا سۋىتسا دا جىلداعىداي وڭىردە اقپان ايىنىڭ ورتاسىنان اۋا كوكتەمگى جۇمىستارعا دايىندىق باستالادى. بيىلعى قىستا قار از تۇسكەنىمەن, كۇزدە توڭ جەرگە بىردەن قاتتى. ىلعالدىڭ كۇزدە جەرگە ءسىڭىپ كەتپەي,متوپىراقتىڭ بەتكى قاباتىندا ساقتالۋى كوكتەمدە وسىمدىكتەرگە جاقسى قورەك بولارى انىق.
ەكى-ءۇش كۇننەن بەرى اقتوبەنىڭ ىرگەسىنەن ارنايى بولىنگەن پوليگوندارعا قالادان 122 مىڭ تەكشە مەتر قار شىعارىلدى. قار قوقىس پوليگونىنا جانە «اقجار-2» تۇرعىن ءۇي ءماسسيۆى جانىنان ارنايى بولىنگەن اۋماققا تاسىلۋدا. وسى ايدىڭ سوڭىنا قاراي كوممۋنالدىق مەكەمە قىزمەتكەرلەرى قالا كوشەلەرىندەگى سۋ ارىقتارى مەن سۋ وتكىزەتىن شاعىن كانالداردى تازالاۋدى باستايدى.بۇگىننەن باستاپ توتەنشە جاعدايلار دەپارتامەنتىنىڭ 63 قىزمەتكەرى مەن 18 تەحنيكا قالادا تاۋلىك بويى كەزەكشىلىككە شىعادى.