2021 جىلعى اقپان ايىندا 78 كاسىپورنىندا جۇمىسكەرلەردىڭ الدىندا بەرەشەگى بارى انىقتالدى, دەپ حابارلايدى ەgemen.kz
«بيىلعى 1 اقپانداعى جاعداي بويىنشا مەملەكەتتىك ەڭبەك ينسپەكتورلارى رەسپۋبليكانىڭ 78 كاسىپورنىندا 1,5 مىڭ جۇمىسكەردىڭ الدىندا 200,9 ملن تەڭگەدەن استام سوماعا جالاقى بويىنشا بەرەشەگى بارىن انىقتادى. وسى كاسىپورىنداردىڭ باسشىلارىنا ورىنداۋعا مىندەتتى 31 نۇسقاما بەرىلدى جانە 5,3 ملن تەڭگەدەن استام سوماعا ايىپپۇل سالىندى», دەلىنگەن قر ەڭبەك جانە حالىقتى الەۋمەتتىك قورعاۋ مينيسترلىگى ءباسپاسوز قىزمەتىنىڭ مالىمەتىندە.
بەلگىلى بولعانداي, قابىلدانعان شارالار, سونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋ ناتيجەسىندە 500-دەن استام جۇمىسكەردىڭ قۇقىقتارى قورعالدى. ولارعا 130,7 ملن تەڭگە تولەندى.