«قازترانسگازايماقتىڭ» قوستاناي وبلىسىنداعى فيليالى باقىلاۋشى ورىن تالاپ ەتكەن مالىمەتتى جاسىرعانى ءۇشىن جارتى ملن تەڭگەدەن استام ايىپپۇل تولەيتىن بولدى. كوگىلدىر وتىنعا جاۋاپتى مەكەمە قوستاناي وبلىسىنىڭ تابيعي مونوپوليانى رەتتەۋ دەپارتامەنتى سۇراعان قۇجاتتى بەرۋدەن جالتارعان.
- ءبىز اتالمىش اكتسيونەرلىك قوعامنان جەكە جانە زاڭدى تۇلعالاردىڭ گاز قۇبىرىنا قوسىلۋى تۋرالى اقپارات بەرۋدى سۇرادىق. مىسالى, بۇل مەكەمەنىڭ جۇمىسشىلارى گاز قوسۋمەن, پلومبا سالۋمەن اينالىسادى. مۇنداي قىزمەت كورسەتكەنى ءۇشىن ولار تۇتىنۋشىدان اقشا الماۋى ءتيىس. ال «قازترانسگازايماق» اقشا الىپ كەلگەن. سوندىقتان ءبىز بۇل ماسەلەنى زەردەلەپ كورمەك بولىپ ناقتى قۇجاتتار مەن تسيفرلاردى سۇراتىپ ەدىك, اق بۇدان جالتارىپ, اقىرى ءبىز تالاپ ەتكەن مالىمەتتەردى بەرمەي قويدى, - دەدى تمرد وكىلدەرى.
ناتيجەسىندە, اكىمشىلىك ءوندىرىس قوزعالىپ, ءىس سوتقا جىبەرىلگەن. سوت باستاپقىدا مۇندا ەشبىر قۇقىق تالاپتارى بۇزىلماعان دەگەن قاۋلى شىعارعان سوڭ, تمرد پروكۋراتۋراعا حات جولداپ, سوت قاۋلىسىنىڭ قايتا قارالۋىن سۇرايدى. قوستاناي قالاسىنىڭ مامانداندىرىلعان اكىمشىلىك سوتى «قازترانسگازايماق» فيليالىنا 555 مىڭ 600 تەڭگە ايىپپۇل سالۋ تۋرالى ۇكىم شىعاردى.
قوستاناي وبلىسى