بيىل ەلوردادا سپورتشى جاسوسپىرىمدەردى قولداۋ ماقساتىندا قالا اكىمىنىڭ اتىنان 50 گرانت تاعايىندالادى, دەپ حابارلايدى Egemen.kz
«سپورتتا جوعارى جەتىستىكتەرگە جەتكەن بالالار, جاسوسپىرىمدەر جانە سپورت مەكتەپتەرى تۇلەكتەرىنە كاسىبي ءبىلىمىن جالعاستىرۋ ءۇشىن «دەنە شىنىقتىرۋ جانە سپورت» ماماندىعى بويىنشا ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە 50 سپورتشىعا نۇر-سۇلتان قالاسى اكىمىنىڭ گرانتىن ءبولۋ جوسپارلانىپ وتىر», دەپ جازدى جازدى س. ەرعاليەۆ Facebook-تەگى پاراقشاسىندا.
ودان بولەك, باسقارماسى باسشىسى ەلوردادا جاڭا سپورت كەشەنى اشىلعانىن ءمالىم ەتتى.
«استانا-ارەنا» ستاديونىندا جاۋىنگەرلىك ونەر ورتالىعى اشىلدى, وندا 10 وليمپيادالىق ەمەس سپورت تۇرىنەن (دجيۋ-دجيتسۋ, پانكراتيون, سامبو, جاۋىنگەرلىك سامبو, گرەپپلينگ, مۋاي-تاي, مما, بەلبەۋ كۇرەس, شينكيوكۋشينكاي, كيوكۋشينكاي-كان كاراتە, قازاق كۇرەسى) قالا قۇراماسى جاتتىعادى», دەدى ول.
بۇعان دەيىن حابارلاعانىمىزداي, بيىل ەلوردادا العاش رەت سپورتشىلارعا ارنالعان ساۋىقتىرۋ ديسپانسەرى اشىلماق.