اتىراۋدا تاۋلىگىنە 7 مىڭعا جۋىق زەرتتەۋ جۇرگىزۋ مۇمكىندىگى بار 12 پتر زەرتحانا جۇمىس ىستەپ تۇر, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى قوعامدىق دەنساۋلىق ساقتاۋدى دامىتۋ جانە مەملەكەتتىك باعدارلامالاردى مونيتورينگتەۋ ءبولىمىنىڭ باسشىسى ەرمەك شماليەۆتىڭ اقپاراتىنا قاراعاندا, بىلتىرعى ناۋرىزدان بەرى كوروناۆيرۋس ينفەكتسياسىنا قارسى 643 مىڭ پتر-تەست زەرتتەۋى جۇرگىزىلىپتى.
«سالىستىرمالى تۇردە ايتساق, ەلىمىزدەگى جان باسىنا شاققاندا جۇرگىزىلگەن زەرتتەۋلەر بويىنشا بۇل – ەڭ جوعارى كورسەتكىش. قاڭتارداعى ورتاشا تاۋلىكتىك زەرتتەۋ 3 856 تەستتى قۇرادى», دەيدى ەرمەك شماليەۆ.
ونىڭ ايتۋىنشا, بيىلعى قاڭتاردا جۇرگىزىلگەن پتر-تەست زەرتتەۋلەرىنىڭ بىلتىرعى جەلتوقسانداعى كورسەتكىشتەن 29%-عا ارتىپ وتىر.