ءماجىلىس دەپۋتاتى بەرىك دۇيسەمبينوۆ ۇلتتىق ەكونوميكا ءمينيسترى اسەت ەرعاليەۆكە ەسكەرتۋ جاسادى, دەپ حابارلايدى Egemen.kz.
ء"سىز ماجىلىستە ءبىرىنشى رەت بولعاندىقتان, تىلەگىمدى بىلدىرۋگە رۇقسات ەتىڭىز. ءسىز قازاق تىلىندە قويىلعان بارلىق سۇراققا رۇقسات سۇراماي, سىرعىپ, ورىس تىلىندە جاۋاپ بەرەسىز. جاسىڭىزعا قاراماستان ءسىز 18 ميلليون ادامنىڭ ىشىنەن مينيستر بولۋعا جاراعان ەكەنسىز. ءسىزدى تاۋەلسىزدىكتىڭ قۇرداسى دەسە دە بولادى. بىراق سۇراقتارعا انا تىلىڭىزدە جاۋاپ بەرۋگە دايىن بولماۋىڭىز ۇيات دەپ سانايمىن. سىزگە ءبىر ءوتىنىشىم بار: كەلەسى جولى انا تىلىندە قويىلعان سۇراقتارعا انا تىلىندە جاۋاپ بەرۋىڭىزدى سۇرايمىن", - دەدى دەپۋتات بەرىك دۇيسەمبينوۆ ءماجىلىس وتىرىسىندا.
ايتا كەتەيىك, اسەت ەرعاليەۆ 2021 جىلى 18 قاڭتارىندا ۇلتتىق ەكونوميكا مينيسترلىگىنىڭ باسشىسى بولىپ تاعايىندالعان. ول قازاقستانداعى ەڭ جاس مينيستر. ماۋسىمدا 35 جاسقا تولادى.