قازاقستان مۇسىلماندارى ءدىني باسقارماسىنىڭ اۋماقتىق وكىلدىكتەرىنىڭ باس يمامدارىنىڭ قاتىسۋىمەن وتكەن ونلاين ماجىلىستە ەلدەگى ەپيدەميالىق جاعدايعا بايلىنىستى «جاسىل ايماقتارىندا» ورنالاسقان اۋىلدىق مەشىتتەردە سانيتارلىق تالاپتاردى ساقتاي وتىرىپ, جۇما نامازىن وتكىزۋگە قاتىستى بىرقاتار ماسەلەنى قاراستىردى, دەپ حابارلايدى Egemen.kz
بۇگىندە مەشىتتەردە پروفيلاكتيكالىق جانە ەپيدەمياعا قارسى شارالار قاتاڭ ساقتالىپ كەلەدى. وسىعان وراي, الداعى جۇما كۇنى قاۋىپسىز «جاسىل ايماقتا» ورنالاسقان اۋىلدىق مەشىتتەردە سانيتارلىق تالاپتاردى ساقتاي وتىرىپ, جۇما نامازى وقىلاتىن بولادى.⠀جيىن بارىسىندا باس ءمۇفتي ناۋرىزباي قاجى تاعان ۇلى يمامدارعا جۇما نامازى كەزىندە ساقتىق شارالارىن جەكە باقىلاۋدى, سانيتارلىق تالاپتاردىڭ ورىندالۋىن قاتاڭ قاداعالاۋدى تاپسىردى.⠀ەسكە سالا كەتەيىك, جۋىردا قمدب توراعاسى, باس ءمۇفتي ناۋرىزباي قاجى تاعان ۇلى ەلوردادا دەنساۋلىق ساقتاۋ ءمينيسترى الەكسەي تسويمەن ارنايى كەزدەسىپ, وسى ماسەلەنى تالقىلاعان بولاتىن. سونىمەن قاتار, دەنساۋلىق ساقتاۋ ۆيتسە-ءمينيسترى – باس مەملەكەتتىك سانيتارلىق دارىگەر ەرلان قياسوۆپەن دە كەزدەسكەن باس ءمۇفتي كوروناۆيرۋس ينفەكتسياسىنىڭ تارالۋى بويىنشا قاۋىپسىز «جاسىل ايماقتا» ورنالاسقان وڭىرلەردەگى مەشىتتەردە جۇما نامازىن وقۋعا رۇقسات بەرۋ تۋرالى ۇسىنىسىن جەتكىزگەن ەدى.