قر مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتىندە 2020 جىلى اتقارىلعان جۇمىس قورىتىندىلاندى, دەپ حابارلايدى Egemen.kz
2019 جىلمەن سالىستىرعاندا كەلىپ تۇسكەن وتىنىشتەر سانىنىڭ 35%-عا تومەندەگەنى بايقالادى. 2020 جىلى مەملەكەتتىك قىزمەت سالاسىنداعى باقىلاۋ باعىتى بويىنشا ازاماتتاردان 146 ءوتىنىش كەلىپ ءتۇستى, ولاردىڭ ىشىندە قۇزىرەتتىلىك شەڭبەرىندە 61 ءوتىنىش قارالدى.
ازاماتتار دەپارتامەنتكە مەملەكەتتىك قىزمەت تۋرالى زاڭناما جانە مەملەكەتتىك قىزمەتكە ءتۇسۋ, ونى وتكەرۋ جانە توقتاتۋعا بايلانىستى شەكتەۋلەر تۋرالى تۇسىنىكتەمە الۋ ءۇشىن ءجيى جۇگىنەدى. سونداي-اق ازاماتتار, ونىڭ ىشىندە مەملەكەتتىك قىزمەتشىلەر كونكۋرس قورىتىندىلارىمەن, تارتىپتىك جازالارمەن, مەملەكەتتىك قىزمەتشىلەردىڭ قىزمەتتىك ادەپتى ساقتاماۋىمەن كەلىسپەۋ فاكتىلەرى بويىنشا وزدەرىنىڭ بۇزىلعان قۇقىقتارىن قورعاۋ ءۇشىن ءوتىنىش جاسايدى.
2020 جىلى تەكسەرۋ ناتيجەلەرى بويىنشا 400-دەن استام بۇزۋشىلىق انىقتالدى, ازاماتتاردىڭ قالپىنا كەلتىرىلگەن قۇقىقتارىنىڭ ۇلەسى 75%-دى قۇرادى.
تارتىپتىك جازا قولدانۋ تۋرالى 16 شەشىمنىڭ, بوس لاۋازىمعا ورنالاسۋعا كونكۋرس كوميسسياسىنىڭ جانە جۇمىس ءوتىلىن ەسەپتەۋ جونىندەگى كوميسسيانىڭ شەشىمدەرىنىڭ كۇشى جويىلدى. 4 تارتىپتىك ءىس قوزعالدى.
كوروناۆيرۋستىق ينفەكتسيانىڭ تارالۋىنا بايلانىستى ورىن العان ەپيدەميولوگيالىق جاعدايعا بايلانىستى اقمولا وبلىسىندا ادەپ جونىندەگى كەڭەس وتىرىستارىنىڭ 80%-ى ونلاين رەجىمدە وتكىزىلدى.
جالپى, 2020 جىلى كەڭەستىڭ 10 وتىرىسى وتكىزىلىپ, وندا 72 ماسەلە قارالدى. سۇراقتاردىڭ 75%-ى پروفيلاكتيكالىق سيپاتقا يە. بۇل اكىمدەردىڭ, مەملەكەتتىك ورگانداردىڭ ءبىرىنشى باسشىلارىنىڭ, ادەپ جونىندەگى ۋاكىلدەردىڭ, تارتىپتىك كوميسسيالار توراعالارىنىڭ ادەپ بۇزۋشىلىقتاردىڭ الدىن الۋ جونىندەگى مەملەكەتتىك ورگاندار جۇمىسىنىڭ قورىتىندىلارى تۋرالى ەسەپتەرى.
ادەپ جونىندەگى كەڭەس سونداي-اق مەملەكەتتىك قىزمەتشىلەرگە قاتىستى 18 دەربەس تارتىپتىك ءىستى قارادى: ادەپ كودەكسىن بۇزعانى ءۇشىن - 4, مەملەكەتتىك قىزمەتتىڭ بەدەلىنە نۇقسان كەلتىرەتىن تەرىس قىلىقتار جاساعانى ءۇشىن - 14.
سونىمەن قاتار سوڭعى 5 جىلدا تارتىپتىك جاۋاپكەرشىلىككە تارتىلعان مەملەكەتتىك قىزمەتشىلەردىڭ سانى 35% - عا ازايدى. ەگەر 2020 جىلى ولاردىڭ سانى 779 بولسا, 2019 جىلى – 805, 2018 جىلى – 892, 2017 جىلى – 986, 2016 جىلى – 1200.