سەنات دەپۋتاتتارى كاسپي تەڭىزىندەگى قىزمەتتى رەتتەۋگە قاتىستى زاڭ جوباسىنا تۇزەتۋلەر ەنگىزۋ ماسەلەسىن تالقىلادى, دەپ حابارلايدى Egemen.kz
نەگىزگى وزگەرىستەردىڭ ءبىرى - اۋماقتاعى سۋدىڭ كورسەتكىشتەرىن قايتا قاراۋ بولىپ وتىر. قازاقستان رەسپۋبليكاسىنىڭ قۇزىرىنا قارايتىن تەڭىز بەلدەۋىنىڭ ەنى, ونىڭ ءتۇبى, جەر قويناۋى جانە اۋە كەڭىستىگى 12 تەڭىز ميلىنەن 15 تەڭىز ميلىنە دەيىن كەڭەيەدى.
«زاڭ جوباسىن قابىلداۋ مەملەكەتتىك شەكارانى قورعاۋ سالاسىنداعى قوعامدىق قاتىناستاردى قۇقىقتىق رەتتەۋدەگى ولقىلىقتاردى جويۋعا, سونداي-اق, شەكارا ايماعىندا بەلگىلەنگەن ءتارتىپتىڭ تيىمدىلىگىن قامتاماسىز ەتۋگە مۇمكىندىك بەرەدى», دەدى كوميتەت توراعاسى مۇحتار قۇل-مۇحاممەد.
بالىق شارۋاشىلىعى دا نازاردان تىس قالمايدى. زاڭدا جانۋارلار الەمىن قورعاۋدى قامتاماسىز ەتۋ ءۇشىن كاسپي تەڭىزىنىڭ قۇقىقتىق مارتەبەسى تۋرالى كونۆەنتسيادا كورسەتىلگەن زاڭسىز بالىق اۋلاۋعا قارسى كۇرەس ەرەجەلەرى دە بەلگىلەنگەن.
سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتى زاڭ جوباسىن پالاتاعا ۇسىندى.