قازاقستاندا 2021 جىلدىڭ 15 اقپانىنا دەيىن ۇلتتىق جوبالار ادىستەمەسى ازىرلەنەدى. بۇل تۋرالى ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆ ايتىپ بەردى, دەپ حابارلايدى Egemen.kz
«رەفورمالار بويىنشا جوعارى كەڭەستىڭ تاپسىرمالارىن ورىنداۋ ماقساتىندا مىناداي نەگىزگى كۇندەردى بەكىتۋ ۇسىنىلادى. 2021 جىلعى 10 اقپانعا دەيىن ۇكىمەت بەكىتكەن جالپىۇلتتىق باسىمدىقتار, ۇلتتىق دامۋ جوسپارى, مەملەكەتتىك باسقارۋ تۇجىرىمداماسى تۋرالى جارلىقتار قر پرەزيدەنتىنىڭ قول قويۋىنا ەنگىزىلەدى تۇجىرىمدامانى ىسكە اسىرۋدىڭ تولىققاندى جوسپارىن 2021 جىلعى 1 ناۋرىزعا دەيىن بەكىتكەن ءجون», دەدى قايرات كەلىمبەتوۆ بۇگىنگى ۇكىمەت وتىرىسىندا.
اگەنتتىك باسشىسى 2021 جىلعى 1 ناۋرىزعا دەيىن ۇلتتىق جوبالار تىزبەسىن پرەزيدەنتتىڭ جارلىعىمەن بەكىتۋدى, ال جاڭا ۇلتتىق جوبالاردى 2021 جىلعى 15 ساۋىرگە دەيىن ازىرلەۋدى ۇسىندى. سونداي-اق مەملەكەتتىك باعدارلامالاردى ۇلتتىق جوبالارعا كوشۋى تۇرعىسىنان تالداۋ جۇرگىزۋ ۇسىنىلدى.
«بۇل رەتتە 15 اقپانعا دەيىن ۇلتتىق جوبالاردىڭ ادىستەمەسى ازىرلەنەدى جانە 1 ناۋرىزعا دەيىن ءتۇسىندىرۋ سەمينارلارى وتەدى», دەپ قورىتىندىلادى قايرات كەلىمبەتوۆ.