قازاقستاندىقتار زەينەتاقىنىڭ ءبىر بولىگىن شيپاجايداعى ەمگە پايدالانا الا ما؟ تىلشىلەردىڭ بۇل سۇراعىنا ورتالىق كوممۋنيكاتسيالار الاڭىندا وتكەن ءباسپاسوز ءماسليحاتىندا «وتباسى بانك» اق توراعاسى ءلاززات يبراگيموۆا جاۋاپ بەردى, دەپ حابارلايدى Egemen.kz
«ەرەجەلەر قازىر ادىلەت مينيسترلىگىندە بەكىتىلگەلى جاتىر. مەنىڭ بىلۋىمشە, بۇل ماسەلە سوڭعى ساتىدا تۇر. ءبىزدىڭ سوڭعى ءباسپاسوز ءماسليحاتىندا ايتقانىمىزدى ەستىگەنىن ناقتى بىلەمىن. سەگىزىنشى ماقسات تا پايدا بولدى. ول - قوسىمشا رەپرودۋكتيۆتى كومەكشى تەحنولوگيالار. قازىر ەكو جاساتۋعا بولادى. بۇل ەرەجەنىڭ سوڭعى قۇجاتتا پايدا بولعانىن ناقتى بىلەمىن», دەپ ءتۇسىندىردى بانك باسشىسى.
ءلاززات يبراگيموۆا شيپاجايداعى ەم تۋرالى شەشىم ءالى قارالىپ جاتقانىن جەتكىزدى.
«بۇل باعىتتا مەندە ناقتى اقپارات جوق. بىردەڭە دەپ, سالىمشىلاردى شاتاستىرعىم كەلمەيدى. ول ەرەجەلەردە باسپانانى الۋدان بولەك باسقا دا بيزنەس پروتسەستەر قولجەتىمدى بولادى», دەدى ءلاززات يبراگيموۆا.
ەسكە سالساق, 2021 جىلى 2 قاڭتاردا قر پرەزيدەنتى قاسىم-جومارت توقاەۆ زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى. زەينەتاقى جيناعىنان الۋعا بولاتىن سوما بجزق سايتىندا اۆتوماتتى تۇردە كورسەتىلەدى.
23 قاڭتاردان قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى. ارنايى پورتالدا زەينەتاقىنىڭ ءبىر بولىگىن الۋعا ءوتىنىم قابىلداۋ باستالعالى ءۇش ساعاتتىڭ ىشىندە 4 مىڭنان استام ادام ءوتىنىش بەردى. زەينەتاقى قارجىسىن ەمدەلۋ ءۇشىن الۋ ەرەجەلەرى جاقىندا جاريالانادى.