بيىل رۋدنىي قالاسى, ىبىراي التىنسارين اتىنداعى الەۋمەتتىك-گۋمانيتارلىق كوللەدجىنىڭ جاتاقحاناسىنا كۇردەلى جوندەۋ جۇرگىزىلەدى. وعان وبلىستىق بيۋدجەتتەن 58,8 ميلليون تەڭگە قاراستىرىلىپ وتىر, دەپ حابارلايدى Egemen.kz
1982 جىلى پايدالانۋعا بەرىلگەن جاتاقحانا بيىل ءبىرىنشى رەت كۇردەلى جوندەۋدەن وتەيىن دەپ وتىر.
«جاتاقحانامىزدىڭ قازىرگى جاعدايى ونشا ەمەس. 2020 جىلى عيماراتتى كۇردەلى جوندەۋ جونىندە جوبالاۋ-سمەتالىق قۇجاتتاماسىن ازىرلەدىك. تەحنيكالىق تەكسەرۋ بويىنشا قورىتىندى جانە كۇردەلى جوندەۋگە رۇقسات بەرۋ تۋرالى اكىمدىكتىڭ قاۋلىسى الىندى. سوڭعى شەشىمدى جاقىندا وبلىستىق ءماسليحات دەپۋتاتتارى قابىلدادى», دەدى كوللەدج ديرەكتورى جومارت قۇسايىن.
180 ستۋدەنتكە شاقتالعان جاتاقحانانىڭ ءبىر بولىگىن قازىر جاسوسپىرىمدەر ءۇيى پايدالانۋدا.
قوستاناي وبلىسى