8 مىڭنان اسا قازاقستاندىق زەينەتاقى جيناقتارىن الدى. بۇل تۋرالى «وتباسى بانك» مالىمدەدى, - دەپ حابارلايدى Egemen.kz
«دوستار, العاشقى بىرجولعى زەينەتاقى تولەمدەرى - 8 693 قازاقستاندىقتىڭ ارنايى شوتتارىنا تۇسكەنى تۋرالى قۋانا حابارلايمىز! وتباسى بانك - بىرجولعى زەينەتاقى تولەمدەرىن ماقساتتى پايدالانۋعا ارنالعان وتىنىمدەردى 2 جۇمىس كۇنى ىشىندە قارايدى جانە بجزق قاراجاتتى ءوتىنىش بەرۋشىنىڭ ارنايى شوتىنا 5 جۇمىس كۇنى ىشىندە اۋدارىلاتىنىن ەستەرىڭىزگە سالامىز.⠀اقشا تۇسكەننەن كەيىن - جەكە كابينەتتەگى اقپارات جاڭارتىلادى جانە 45 كۇن ىشىندە قۇجاتتاردى جۇكتەپ تىزىمنەن بانكتى تاڭداۋ مۇمكىندىگى پايدا بولادى.
enpf-otbasy.kz جەكە كابينەتى ارقىلى جۇكتەلگەن فايلدار ماقۇلداعاننان كەيىن قابىلداۋشى تاراپقا: ساتۋشىعا/بانككە/يپوتەكالىق ۇيىمعا 10 جۇمىس كۇنى ىشىندە, كورسەتىلگەن دەرەكتەمەلەرگە قاراجات اۋدارىلادى», دەلىنگەن حابارلامادا.⠀