الداعى قۇرىلىس ماۋسىمىندا اقمولا وبلىسىندا اۆتوموبيل جولدارىنىڭ رەسپۋبليكالىق جانە جەرگىلىكتى جەلىسىن جاقسارتۋ باعىتىندا اۋقىمدى جۇمىس جۇرگىزىلمەك. وڭىردە قۇرىلىس, رەكونسترۋكتسيا, كۇردەلى جانە ورتاشا جوندەۋ جۇمىستارى جوسپارلانىپ وتىر.
«ەكاتەرينبۋرگ-الماتى اۆتوموبيل جولىنىڭ 1231-1247 شاقىرىمىندا اۆتوماتتاندىرىلعان ولشەۋ قوندىرعىلارىن ورناتۋ مەن جوبا-سمەتالىق قۇجاتتاما ازىرلەۋ كوزدەلگەن. رف شەكاراسى (ەكاتەرينبۋرگ)-الماتى اۆتوجولىنىڭ 856-913 شاقىرىمىنداعى ۋچاسكە كۇردەلى جوندەۋدەن وتپەك. جوندەۋدىڭ ءدال وسى ءتۇرىن جاقسى – ەسىل – بۇزۋلىق تاس جولىنىڭ 80+900 شاقىرىمىنداعى كوپىرگە جۇرگىزۋ ءۇشىن جوبا-سمەتالىق قۇجاتتاما ازىرلەنەدى. رف شەكاراسى (ەكاتەرينبۋرگ)-الماتى, قوستاناي, نۇر-سۇلتان, قاراعاندى قالالارى ارقىلى 930-960 شاقىرىمىندا جانە نۇر-سۇلتان – پەتروپاۆل اۆتوجولىنىڭ شورتاڭدى اۋىلى جانىنداعى وتپەجولعا ورتاشا جوندەۋ جۇرگىزىلەتىن بولادى», دەلىنگەن قر يدم تاراتقان مالىمەتتە.
سونىمەن بىرگە, وبلىستىق جولداردا 3 كوپىر سالۋ جوسپارلانىپ وتىر. اتاپ ايتساق, اتباسار – سوچينسك, ەسىل-سۆوبودنوە-رازدولنوە جانە زەرەندى اۋدانى سادوۆوي اۋىلدىق وكرۋگىنىڭ زارەچنوە اۋىلىندا تۇرعىزىلماق. بۇدان بولەك, قۇرىلىس كومپانيالارىمەن ورتاشا جوندەۋ جۇمىستارى كەلەسىدەي اۆتوجولداردا جۇرگىزىلەدى: ەكاتەرينبۋرگ-الماتى – تۇرگەن – كونستانتينوۆكا – بەلوياركا 0-67 كم, جاڭا قالقۇتان – اقكول – ازات – مينسك 55 - 104 كم, اتباسار – قيما - جاقسى – دەرجاۆينسك 9 – 51 كم, جاقسى – دەرجاۆينسك 101,5 – 140 كم, زەرەندى – قىزىل كوردون – وبلىس شەكاراسى 5,1 – 41, 3 كم مەن بۇزۋلىق – الماتى 0 - 38,5 كم. ەسكە سالا كەتەيىك, وڭىردەگى اۆتوموبيل جولدارىنىڭ جالپى ۇزىندىعى 7940 شاقىرىمدى قۇرايدى. ونىڭ 2314 كم – رەسپۋبليكالىق جەلى, 5626 كم – جەرگىلىكتى جەلى.